قازاقیستاندا مجلیس منحل ائدیلدی
جمهورباشقانی توکایئو، ژوئن آییندا گئرچکلشدیریلن آنایاسا رفراندومو ایله قازاقیستاندا داها عدالتلی و رقابتچی حکومت سیستمینه گئچیش پروسهسینین باشلادیغینی بیلدیردی
قازاقیستان جمهورباشقانی قاسم جؤمرت توکایئو، پارلمانین منحل ائدیلمهسی و ۱۹ مارسدا ائرکن سئچیم ائدیلمهسی حاقیندا قرارنامهنی ایمضالادی.
جمهورباشقانلیغیندان وئریلهن آچیقلامادا، توکایئوین، ژوئن آییندا گئرچکلشدیریلن آنایاسا رفراندومو ایله قازاقیستاندا داها عدالتلی و رقابتچی حکومت سیستمینه گئچیش پروسهسینین باشلادیغینی بیلدیردیگی ایفاده ائدیلدی.
جمهورباشقانی توکایئو، بوندان سونرا مجلیس سئچیملرینده قاریشیق سیستمین تطبیق اولوناجاغینی بیلدیررک،
"مجلیس و یئرلی مجلیسلرین اولوشومونا دایر بو یئنی مدل سئچیجیلرین چیخارلارینی هم میللی، هم ده بؤلگهسل سویهده تام شکیلده قورویاجاق و تمثیلی حاکمیت اورگانلاریندا گئنیش بیر گؤروش ساحهسی تامین ائدجک" دگرلندیرمهسینی وئردی.
آنایاسا رفراندومو چرچیوهسینده یئنی سیاسی پارتیلرین قورولوشو ایله باغلی پروسهنین آسانلاشدیریلدیغینی دا قید ائدن توکایئو، سیاسی پارتیلرین پارلمانا گیرمه حدینین یۆزده ۷دن یۆزده ۵ نسبتینه ائندیریلدیگینی خاطیرلاداراق، بوتون بو قورومسال دییشیکلیکلرین، سیاسی رقابتی گوجلهندیرجگینی و یئنی سیاستچیلره یولونون آچیلاجاغینی بیلدیردی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.