قازاقیستان تۆرکیه‌دن زره‌لی ساواش ماشینی آلاجاق
"بیر نئچه اؤلکه طرفیندن (بو زره‌لی ماشینلار) آلینمیشدی. اونا گؤره ده سلاحلی چاتیشمالاردا سیناقدان گئچیریلمیشدیر"
قازاقیستان سلاحلی گوجلرین‌ده یئنی قورولان اؤزل گوجلر فوموتانلیغی اوچون تۆرکیه شیرکتی طرفیندن اۆره‌تیلن زره‌لی ساواش ماشینلارینین آلینماسینین دگرلندیریلدیگی بیلدیریلدی.
قازاقیستان ساوونما باخانی یاردیمچیسی سلطان کمال‌الدینوو، باشکند آستانادا تشکیل ائتدیگی مطبوعات توپلانتیسیندا اوردودا آپاریلان اصلاحاتلارلا باغلی معلومات وئردی.
کمال‌الدینوو، ژانویه آیین‌دا جمهورباشقانی قاسیم جؤمرت توکایئوین فرمانی ایله قازاقیستان سلاحلی گوجلرینین ترکیبینده اؤزل گوجلر کوموتانلیغینین یارادیلدیغینی، سؤزوگئدن بؤلمه‌یه وظیفه آلاجاق عسگرلرین اؤزل تعلیمدن گئچدیگینی، اونلارین سلاح-مهماتلا تجهیز ائدیلمه‌سی اوچون چابا گؤستریلدیگینی قید ائتدی.
بو چرچیوه‌ده تۆرکیه شیرکتی طرفیندن اۆره‌تیلن زره‌لی ساواش آراجلارینی دگرلندیردیکلرینی بیلدیرن کمال‌الدینوو،
"هر هانسی بیر حربی تجهیزاتین اؤزل وظیفه‌لری یئرینه یئتیرمک اوچون حاضیرلاندیغینی آیدین شکیلده باشا دوشمه‌لیییک. الیمیزده تۆرکیه شیرکتی طرفیندن تولید ائدیلن زره‌لی ماشینلارا دایر قیلاوووز سندلر وار. بیر نئچه اؤلکه طرفیندن (بو زره‌لی ماشینلار) آلینمیشدی. اونا گؤره ده سلاحلی چاتیشمالاردا سیناقدان گئچیریلمیش" دئدی.
کمال‌الدینوو، قازاقیستان اوردوسون‌دا اسرائیل و چین اۆره‌تیمی اولان اینسانسیز هاوا آراجلاری اولدوغونو قید ائدرک،
"ایندی ایسه اۆره‌تیمینی اؤز تورپاقلاریمیزدا تشکیل ائدجگیمیز تۆرکیه‌نین اینسانسیز هاوا آراجلارینین آلینماسی پلانلاشدیریلیر" ایفاده‌سینی ایشلتدی.
داها اؤنجه، تۆرکیه شیرکتی اوتوکارین قازاقیستان‌دا زره‌لی ساواش ماشینلاری اۆره‌تمه‌یی هدفله‌دیگی بیلدیریلمیشدی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
