ناخچیوانین گؤمروک کمیتهسی لغو ائدیلدی
ناخچیوان اؤزارک جمهوریتی میللی مجلیس باشقانینا باغلی اولان گؤمروک کمیتهسی، بیرباشا باکیداکی مرکزی یؤنهتیمه باغلانمیش اولدو
1913081
ناخچیوان اؤزارک جمهوریتینین دؤولت گؤمروک کمیتهسی، آذربایجان مرکزی گؤمروک کمیتهسینه باغلاندی.
آذربایجان جمهوریتی جمهورباشقانی ایلهام علییئو، ناخچیوان اؤزارک جمهوریتی دؤولت گؤمروک کمیتهسینین لغو ائدیلمهسی حاقیندا قرار ایمضالادی.
کمیتهیه باغلی بؤلمهلر، یئنی قورولان آذربایجان دؤولت گؤمروک کمیتهسی ناخچیوان باش ایدارهسینه باغلاندی.
بئلهجه، ناخچیوان اؤزارک جمهوریتی میللی مجلیس باشقانینا باغلی اولان گؤمروک کمیتهسی، بیرباشا باکیداکی مرکزی یؤنهتیمه باغلانمیش اولدو.
داها اؤنجهده ناخچیوان اؤزارک جمهوریتی دؤولت گوونلیگی سرویسی لغو ائدیلهرک مرکزی یؤنهتیمه باغلانمیشدی.
آذربایجانا باغلی، عینی زاماندا اؤز آنایاساسی دا اولان اولان ناخچیوان اؤزارک جمهوریتینین ایچ یؤنهتیمینی مجلیس باشقانی اۆستلهنیر.