علییئودن فرانسایا الجزایر تپکیسی

آذربایجان جمهورباشقانی ایلهام علییئو، "دونیا، فرانسانین الجزایرده تؤرتدیگی قتل عاملاری اونوتمامالی"‌ دئدی.

جمهورباشقانی علییئو، الجزایرین ائو صاحب‌لیگی ائتدیگی ۳۱.جی عرب بیرلیگی ذیروه‌سینده باغلانتیسیزلار حرکتینین حاضیرکی باشقانی اولاراق دانیشماسیندا، ۱ نوامبر ۱۹۵۴ده باشلانان قورتولوش دئوریمی آدلانان مستقیللیک موباریزه‌سینین ۶۸.جی ایل دؤنومو موناسیبتی ایله الجزایری تبریک ائتدی.

فرانسا موستملکه‌چیلیگی دؤنمینده حیاتینی ایتیره‌ن الجزایرلیلرین خاطره‌سینه تیکیلن "شهید مقامی"نی  و الجزایر اولوسال موجاهید موزه‌سینی گزدیگینی بیلدیره‌ن علییئو،

"شهید مقامی  و موجاهید موزه‌سینی گزدیم. فرانسانین بورادا الجزایر خالقینا قارشی تؤرتدیگی قیرغینلار منی چوخ تاثیرلندیردی. دونیا، فرانسانین الجزایرده‌کی بو قیل عاملارینی هئچ واخت اونوتمامالیدیر" دئدی.

علییئو، فرانسانین ۱۳۰ ایلده‌ن آرتیق الجزایری ایشغال آلتیندا ساخلادیغینی و بیر میلیون یاریمدان چوخ اینسانین اؤلومونه سبب اولدوغونو وورغولایاراق، الجزایر خالقینین فرانسا سؤمورگه‌چیلیگینه قارشی گؤستردیگی قهرمانلیغین بشریتین یادداشیندا بؤیوک بیر خاطره اولاراق قالاجاغینی قید ائتدی.