تۆرک دؤولتلری "اورتاق الیفبا کمیسیونو" قوردو
ایلک ییغینجاغینی قیرقیزیستاندا ائدجک کمیسیون، اورتاق الیفبا چالیشمالارینی گؤزلملهیهجک و آغساققاللار شوراسینا راپور وئرهجک
تۆرک دؤولتلرینین اورتاق بیر الیفبایا گئچمهسی و دیلده بیرلیک سۆرهجینین سورعتلندیریلمهسی آماجی ایله "اورتاق الیفبا کمیسیونو" قورولدو.
دیل بایرامینین ۹۰.جی ایل دؤنومو سببی ایله گئچهن آی بورسا دا ائدیلهن "تۆرک دونیاسی اورتاق الیفبا چالیشتایی"ندا تۆرک دؤولتلری تشکیلاتینا سونولماق اوزره قرارلار آلیندی.
چالیشتای، تۆرک دؤولتلری تشکیلاتی آغساققاللار شوراسی باشقانی بینعالی ییلدیریمین ایشتیراکییلا تۆرک دیل قورومو باشقانی گۆراَر گۆلسئوینین اوتوروم باشقانلیغیندا تشکیل ائدیلدی.
تۆرک دیل قورومو و تۆرک دؤولتلری تشکیلاتی امکداشلیغییلا ائدیلهن، تۆرک دؤولتلریندن بیلیم اینسانلارینین، اؤز اؤلکهلرینده ایستیفاده ائدیلهن الیفبا و تاریخی سۆرهجلره باغلی بیلگی وئردیگی چالیشتایدا، اورتاق الیفبایا گئچیش سۆرهجلرینین سورعتلندیریلمهسی و اویقولامانین یاییغینلاشماسی ضرورتی وورغولاندی.
چالیشتایدا، تۆرک دونیاسی اورتاق الیفباسی اوچون تۆرک دؤولتلری تشکیلاتی بنیهسینده "اورتاق الیفبا کمیسیونو" قورولماسی قرارلاشدیریلدی.
تۆرک جمهوریتلرینین دیلله باغلی رسمی قوروملاری طرفیندن تکلیف ائدیلهجک (هر جمهوریتدن) ۲ عضودن اولوشاجاق کمیسیون، تۆرک دؤولتلری تشکیلاتی آغساققاللار شوراسینا اورتاق الیفبا و اوندان اۆرهتیلهجک اولوسال الیفبالارلا باغلی راپور حاضرلایاجاق.
ایلک ییغینجاغینی قیرقیزیستاندا ائدجک کمیسیون، اورتاق الیفبا چالیشمالارینی گؤزلملهیهجک و آغساققاللار شوراسینا راپور وئرهجک.
آتاتۆرک گۆلتور، دیل و تاریخ یۆکسک قورومو باشقانی محمد حکیماوغلو، تۆرک دؤولتلری تشکیلاتی آذربایجان آغساققالی حسن حسنوو دا چالیشتایدا یئر آلدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی