بایراموو، لاوروو و میرزویان آستانادا گؤروشدو
بایراموو، ۲ اکتبردا سوئدین ژنو شهرینده ارمنی قونومداشی ایله گؤروشمه‌سینده باریش آنلاشماسینین آنا اعنصورلارینی میرزویانا سوندوغونو، بو عنصورلارلا باغلی ارمنیستاندان جاواب گؤزلدیکلرینی سؤیله‌دی
روسیانین خاریجی ایشلر باخانی سرگئی لاوروو، آذربایجانین خاریجی ایشلر باخانی جیحون بایراموو و ارمنیستانین خاریجی ایشلر باخانی آرارات میرزویان، قازاقیستانین باشکندی آستانادا اۆچلو توپلانتی گئرچکلشدیردی.
روسیا خاریجی ایشلر باخانلیغیندان وئریلن آچیقلامایا گؤره، گؤروشمه‌ده دانیشان لاوروو، آذربایجان و ارمنیستان آراسیندا نقلیات خطلرینین آچیلماسی، باریش آنلاشماسینین حاضرلانماسی و ایکی اؤلکه آراسینداکی سرحد خطینین معیینلشدیریلمه‌سی قونولارینین گوند‌میده اولدوغو بیلدیریلدی.
آذربایجان خاریجی ایشلر باخانلیغیندان وئریله‌ن آچیقلامایا گؤره، بایراموو، ۲ اکتبردا سوئدین ژنو شهرینده ارمنی قونومداشی ایله گؤروشمه‌سینده باریش آنلاشماسینین آنا اعنصورلارینی میرزویانا سوندوغونو، بو عنصورلارلا باغلی ارمنیستاندان جاواب گؤزلدیکلرینی سؤیله‌دی.
بایراموو، آذربایجان جمهورباشقانی ایلهام علییئو و ارمنیستان باشباخانی نیکول پاشینیانین فرانسا جمهورباشقانی آراسین امانوئل مکرون و آوروپا بیرلیگی شوراسی باشقانی شارل میشل ایله ۶ اکتبردا چکیانین باشکندی پراگدا ائتدیگی دؤردلو گؤروشمه‌ده هر ایکی اؤلکه‌نین بیر بیرینین تورپاق بۆتولوگو و اگمنلیکلرینی قارشیلیقلی تانینماق و سایغی گؤسترمک قونوسوندا آنلاشما اولدوغونو بیلدیررک، بو وضعیتین باریش آنلاشماسیینین ایمضالانماسی ایستیقامتینده بیر ایرلیله‌ییش قبول ائدیلدیگینی وورغولادی.
۲.جی قاراباغ ساواشیندان سونرا روسیا، آذربایجان و ارمنیستان آراسیندا ایمضالانان اۆچلو بیلدیریلرین هله ارمنیستان طرفین‌ن حیاتا گئچیریلمه‌یه‌ن بؤلوملرینین اویقولانماسی لازیم اولدوغونو بیلدیرن بایراموو، ارمنیستانین آذربایجان تورپاقلارینا دؤشه‌دیگی مینلرین و مین خریطه‌لرینین آذربایجانا اسکیکسیز وئریلمه‌مه‌سینین جدی سورون اولدوغونو ایفاده ائتدی.
ارمنیستان خاریجی ایشلر باخانلیغیندان وئریلن آچیقلامایا گؤره، میرزویان، ایکی اؤلکه سرحدینده یئنی چاتیشمالارین باش وئرمه‌مه‌سی اوچون سرحدده اولوسلارآراسی ایزلمه و کنترل مکانیزمینین اویقولانماسی لازیم اولدوغونو بیلدیردی.
طرفلر اوچلو دانیشیقلارین گله‌جکده ده داوام ائتدیریلمه‌سی قونوسوندا آنلاشدی.
ایلگیلی‌لی خبرلر
قازاخیستان-دا داشقین‌لاردان سونرا 54،7 مین نفر ائولرینه قاییدیب
بو باره‌ده فوق العاده حال‌لار ناظیرلیگی‌نین مطبوعات خیدمتی معلومات یاییب.
