دونیا کؤچری اویونلاری باشا چاتدی

تۆرکیه‌نین ایزنیک شهرینین ائو صاحب‌لیگی ائتدیگی ۴.جو دونیا کؤچری اویونلاری قاپانیش مراسیمی ایله باشا چاتدی.

مراسیمده دانیشان گنجلر و ایدمان باخانی محمد محرم قصاب‌اوغلو، اویونلارین تۆرک دونیاسی آراسیندا ایلیشکیلری گوجلندیردیگینه دقت چکدی.

ایزنیک‌ده دؤرد گؤزل گون یاشادیقلارینی ایفاده ائدن قصاب‌اوغلو، اوشاقلارین، گنجلرین و وطنداشلارین اؤز مدنیتلرینی تانیدیغی و دونیانین فرقلی یئرلریندن گلن اینسانلاری کؤچری اویونلاریندا بیر آرایا گتیردیکلرینی سؤیله‌دی.

قصاب‌اوغلو، ۲۰۲۴.جو ایلده اویونلارا ائو صاحب‌لیگی ائد‌جک قازاقیستانین مدنیت و ایدمان باخانی داورئن آبایئوه ایزنیک گؤلوندن آلینان سویو وئردی.

دونیا اتنواسپور کنفدراسیونو باشقانی بلال اردوغان ایسه بوتون ایشتیراکچیلارا تشکر ائد‌رک، "ایزنیک‌ده ۱۰۲ اؤلکه‌دن ۳ مین‌دن چوخ ایدمانچی ۴۰دان چوخ گله‌نکسل ایدمان نؤوعون‌ده یاریشدیلار، اؤز کۆلتولرینی تانیتما ایمکانی الده ائتدلر. گله‌نکسل ایدمان و اویونلارلا یاناشی، گله‌نکسل ال ایشلری، دونیا مطبخلری، گله‌نکسل خالق رقصلری، صحنه شوولاری یئرلی و خاریجی قوناقلاریمیزی چوخ رنکلی بیر شکیلده قارشیلادی" دئدی.