آذربایجان ایله ارمنیستان دیش ایشلری باخانلاری گؤروشدو
آذربایجان ایله ارمنیستان آراسیندا چاتیشمالاردان سونراکی ایلک تماس آمریکانین نیویورک شهرینده باش توتدو
آذربایجان ایله ارمنیستان آراسینداکی چاتیشمالار سون گونلرده آرتمیشکن، ایکی اؤلکه آراسیندا ایلک تماس آمریکانین نیویورک شهرینده باش توتدو.
آمریکا دیش ایشلری باخانی آنتونی بلینکن، نیویورکدا بیرلشمیش میللتلر تشکیلاتی باش قورولو توپلانتیلاری اوچون بو شهرده اولان آذربایجانین خاریجی ایشلر باخانی جیحون بایراموو و ارمنیستانین خاریجی ایشلر باخانی آرارات میرزویان ایله گؤروشدو.
گؤروشمهدن اؤنجه ژورنالیستلره قیسا آچیقلاما وئرهن آنتونی بلینکن، هم ارمنیستانین باشباخانی نیکول پاشینیان هم ده آذربایجان جمهورباشقانی ایلهام علییئوله سون گؤروشمهلرینده هر ایکی لیدئرین ده اونا باریشا حاضر اولدوقلارینی دئدیکلرینی بیلدیردی.
بلینکن،
"گوجلو، داواملی دیپلوماتیک باغلانتی هامی اوچون ان یاخشی یولدور. ارمنیستان و آذربایجان آراسینداکی فرقلیلیکلرین حربی یوللا حلی یوخدور. اما منجه، فرقلیلیکلری دیپلوماسی یولو ایله حل ائدن قالیجی بیر باریشا گئدن یول وار. آمریکا بونا بو چابالاری دستکلهمک اوچون الیندن گلهنی ائتمهگه حاضیردیر" دئدی.
آمریکا خاریجی ایشلر باخانلیغندان وئریلهن آچیقلامایا گؤره، ایکی اؤلکه آراسینداکی سون گرگینلیکدن سونرا طرفلرله ایلک گؤروشمهده بلینکن، چاتیشمالاردا حیاتینی ایتیرهنلره باشساغلیغی وئردی.
داها چوخ چاتیشمانین قارشیسینین آلینماسینی و باریش پروسئهسینه قاییدیبماسی وورغوسو ائدن باخان بلینکن، قونومداشلاری ایله نسونراکی آددیمین نه اولاجاغینی موذاکیره ائتدی و هر ایکی باخانی بو آیین سونونا قدر یئنیدن گؤروشمهیه تشویق ائتدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی