آذربایجان-ارمنیستان هیئتلری سرحدین معیینلشدیریلمهسی اوچون توپلاندی
آذربایجان-ارمنیستان سرحدینین معیینلشدیرلمهسی و چکیلمهسینه باغلی ایکیلی کمیسیونون توپلانتیسی روسیانین مشاویرلیگینده مسکووادا حیاتا گئچیریلدی
آذربایجان-ارمنیستان سرحدینین معیینلشدیریلمهسی ایله باغلی توپلانتی روسیانین باشکندی موسکوادا ائدیلدی.
روسیا خاریجی ایشلر باخانلیغیندان وئریلهن یازیلی آچیقلامایا گؤره، روسیا دؤولت باشقانی ولادیمیر پوتین، آذربایجان جمهورباشقانی ایلهام علییئو و ارمنیستانین باشباخانی نیکول پاشینیانین ۲۶ نوامبردا الده ائتدیکلری آنلاشمایا اساساً، آذربایجان-ارمنیستان سرحدینین معیینلشدیرلمهسی و چکیلمهسینه باغلی ایکیلی کمیسیونون توپلانتیسی روسیانین مشاویرلیگینده مسکووادا حیاتا گئچیریلدی.
طرفلرین هیئتلرینه، آذربایجان باشباخان یاردیمچیسی شاهین مصطفییئو، ارمنیستانین باشباخان یاردیمچیسی مگر گریگوریان و روسیا باشباخان یاردیمچیسی آلکسی اووئرچوک باشقانلیق ائتدی.
باخانلیغین آچیقلاماسیندا،
"روسیا هیئتی، ایکی اؤلکه آراسینداکی دؤولت سرحدلرینین چکیلمهسی، سرحد بؤلگهسینده ثابتلیک و گوونلیک سویهسینین آرتیریلماسی ایله باغلی آذربایجان و ارمنیستان هیئتلری آراسینداکی دانیشیقلاردا مشاویره و تکنیک یاردیم گؤسترمهیه داوام ائتمهیه حاضر اولدوغونو بیلدیردی" ایفادهسی ایشلهدیلدی.
یئنی توپلانتینین تاریخینین دیپلوماتیک کاناللاردان آیریجا قرارلاشدیریلاجاغی بیلدیریلدی.
ایلگیلیلی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"