تورکیه قیریم تاتار تورکلرینه اوزون مودتلی یاشاماق ایجازهسی وئرهجک
تورکیه آخیسکا، اویغور، بولقار و یونان تورکلرینین صاحیب اولدوغو "تورک سویلو" ایستاتوسونا داخیل اولان قیریم تاتار تورکلرینه اوزون مودتلی یاشاماق ایجازهسی وئرمهیه باشلاییب.
تورکیه آخیسکا، اویغور، بولقار و یونان تورکلرینین صاحیب اولدوغو "تورک سویلو" ایستاتوسونا داخیل اولان قیریم تاتار تورکلرینه اوزون مودتلی یاشاماق ایجازهسی وئرمهیه باشلاییب.
ایچ ایشلر ناظیرلیگینین کوچ ایدارهسی مودیرلیگیندن الده ائدیلن معلوماتا گؤره، قرارا اویغون اولاراق، تورکیه وطنداشی اولمایان بیر شخصین اوزون مودتلی یاشاماق ایجازهسی آلماسی اوچون تورکیه-ده 8 ایل فاصیلهسیز یاشاماق شرطی طلب اولونور. کوچ سیاستی شوراسینین 15 فوریه 2017-جی ایل تاریخلی قراری ایله بولقاریستان، یونانیستان، آخیسکا و اویغور تورکلرینه بو شرط تطبیق ائدیلمیر. بونا گؤره ده اونلارا اوزون مودتلی یاشاماق ایجازهسی وئریله بیلیر.
بو چرچیوهده کوچ ایدارهسی مودیرلیگی قیریم تاتار تورکلرینه وئریلهجک یئنی ایستاتوسلا باغلی ایشلری تاماملاییب. آخیسکا، اویغور، بولقار و یونان تورکلرینین "تورک سویلو" ایستاتوسونا قیریم تاتارلاری دا داخیل ائدیلیب.
بونونلا دا قیریم تاتار تورکلرینه تورکیه-ده 8 ایل فاصیلهسیز یاشاماق شرطی اولمادان "غیری-معین مدته قالماق حقوقو" وئرن اوزون مودتلی یاشاماق ایجازهلرینین وئریلمهسی پراکتیکاسی بو آیدان باشلاییب.
تورکیه-یه گلن قیریم تاتار تورکلری لازیمی شرطلری یئرینه یئتیردیکلری و اویغون گؤرولدوگو تقدیرده اوزون مودتلی یاشاماق ایجازهسی آلا بیلهجکلر.
بو حقوقدان یارارلانماق ایستهینلر "e-ikamet.goc.gov.tr" آدرسیندن قبولا یازیلدیقدان سونرا طلب اولونان سندلرله ویلایت کوچ ایدارهلرینه مراجعت ائده بیلهجکلر.
موافیق ایدارهنین معلوماتلارینا گؤره، تورکیه-ده یاشاماق ایجازهسی ایله قالان اجنبیلرین یالنیز 5 فایزی اوزون مودتلی، تورک سویلولارین ایسه 75 فایزی اوزون مودتلی یاشاماق ایجازهسینه مالیکدیر.
بو گونه قدر 57 مین 56 بولقار، یونان، اویغور و آخیسکا تورکلرینه اوزون مودتلی یاشاماق ایجازهسی وئریلیب.
دیگر طرفدن، تورکیه اوکراینا ایله روسیا آراسیندا محاربهنین قوربانی اولان 4296 تورک اصیللی اینسانا یاردیم الینی اوزادیب. بو چرچیوهده 409-و قیریم تاتارلاری، 2 مین 395-ی آخیسکا تورکلری اولماقلا 2 مین 804 نفر 5 ویلایتدکی مرکزلرده قوناق ائدیلیر. مرکزلرده محاربه قوربانی اولان اوشاقلارا ساغلاملیق، پسیخولوق، فعالیت و تحصیل کیمی خیدمتلر گؤستریلیر.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.