آوروپابیرلیگی ایله آذربایجان آراسیندا یئنی اورتاقلیق آنلاشماسی
آوروپا بیرلیگی خاریجی ایلیشکیلر و گوونلیک سیاستی یوکسک نمایندهسی بورل، آوروپابیرلیگینین آذربایجانلا یئنی جامع امکداشلیق و اورتاقلیق آنلاشماسی مذاکیره ائدهجگینی بیلدیردی
آوروپا بیرلیگی خاریجی ایلیشکیلر و گوونلیک سیاستی یوکسک نمایندهسی جوزپ بورل، آذربایجانلا یئنی امکداشلیق و اورتاقلیق آنلاشماسی مذاکیره ائدهجکلرینی بیلدیردی.
آذربایجان خاریجی ایشلر باخانی جیحون بایراموو و یوکسک نماینده جوزپ بورل، بلژیکین باشکندی بروکسلده گئچیریلهن آوروپابیرلیگی-آذربایجان امکداشلیق شوراسینین ۱۸.جی توپلانتیسینین سونوندا اورتاق مطبوعات آچیقلاماسی وئردی.
بورل، آوروپابیرلیگینین آذربایجانلا یئنی جامع امکداشلیق و اورتاقلیق آنلاشماسی مذاکیره ائدهجگینی بیلدیردی.
آذربایجانین خاریجی ایشلر باخانی بایراموو دا، آوروپابیرلیگینین اؤلکهسینین ان بؤیوک تیجارت اورتاغی و ان بؤیوک یاتیریمچیسی اولدوغونا دقت چکهرک، آوروپا بازارلارینا آلترناتیو طبیعی گاز تامین ائتمک اوچون آوروپاداکی ان بؤیوک آلت یاپی و انرژی پروژهسینی حاضیرلادیقلارینی بیلدیردی.
آوروپابیرلیگی، آذربایجاندان گاز آلیمینی دا آرتیراجاق.