اورمو گؤلونون قوروماسی ایله باغلی اعتراض گؤستریسی تشکیل ائدیلدی

باتی آذربایجانین مرکزی اورمیه‌ده یوزلرجه آذربایجانلی، اورمیه گؤلونون قوروماسی و دؤولتین بو ائکولوژیک فاجعه‌نین قارشیسینین آلینماسینا لازیم اولان دقتی یئتیرمه‌مه‌سینه اعتراض اولاراق گؤستری تشکیل ائتدی.

اعتراضچیلار، "اورمو گؤلو جان وئریر، مجلیس اونون قتلینه فرمان وئریر" کیمی شعارلار سسله‌ن‌دیره‌رک، گؤلون جانلاندیریلماسی اوچون حکومتین موداخیله‌سینی طلب ائتدیلر.

اورمو گؤلونون قوروماسی پروسه‌سی ۱۹۷۰.جی ایللرین سونلاریندا باشلادی و سون ایللرده داها دا سورعتلندی. باتی آذربایجان بحران یؤنه‌تیمی ایداره‌سی باش مودورونون سؤزلرینه گؤره، حاضیردا گؤلون سویونون یوزده ۹۵ی قوروموش دورمدادیر.

چئوره اوزمانلاری و چئوره‌چی فعاللار ایللردیر اورمو گؤلونون قوروماسی پروسه‌سی و میلیونلارجا اینسانین حیاتینی تهلوکه آلتینا آلان دوز فیرتیناسی احتیمالی ایله باغلی اویاریر.