روسیا، بیرلشمیش میللتلر هیئتینین قیریما گیرمهسینه اجازه وئرمهدی
بیرلشمیش میللتلر راپوروندا، روسیانین قیریمدا فرقلی سیاسی گؤروشلری سوسدوردوغو بیلدیریلدی
روسیا، بؤلگهدهکی اینسان حاقلارینین وضعیتینی آراشدیرماق ایستهیهن بیرلشمیش میللتلر تشکیلاتی هیئتینین، ۲۰۱۴.جو ایلده الحاق ائتدیگی قیریما گیرمهسینه اجازه وئرمهدی.
باش کاتیب آنتونیو گوترشین بیرلشمیش میللتلر اینسان حاقلاری شوراسینا سونولان "اوکراینانین بیر مدتدیر ایشغال آلتیندا اولان قیریم اؤزارک جمهوریتی و سیواستوپولدا اینسان حاقلاری وضعیتی" قونولو راپوروندا بؤلگهدهکی سون وضعیت دگرلندیریدی.
قیریمدا اینسان حاقلاری پوزونتوسونا معروض قالان اینسانلار ایله اۆز اۆزه ائدیلن موصاحیبهلردن الده ائدیلهن معلوماتلارین یئر آلدیغی راپوردا، ضررچکمیشلرین دئدیکلرینین فرقلی قایناقلاردان دا دوغرولاندیغی بیلدیریلدی.
روسیانین قویدوغو قوراللارین قیریمدا مطبوعات اؤزگورلوگو و بیلگی الده ائتمه حاقینا منفی تأثیر گؤستردیگی قئید ائدیلن راپوردا، روسیانین قیریمدا فرقلی سیاسی گؤروشلری سوسدوردوغو بیلدیریلدی.
قیریمدا دین و اینانج آزادلیغینین دا باسقی آلتیندا اولدوغو، قیریمدا یاشایان یهوه شاهیدی خریستیانلارینین "آشیری قروپ" اولاراق تانیملاناراق فعالیتلرینین قاداغان ائدیلدیگی ایفاده ائدیلدی.
بوندان علاوه، قیریمین آلوشتادا بیر امامین مسجیدده موعضه وئردیگی اوچون جریمه اولوندوغو دا بیلدیریلدی.
بیرلشمیش میللتلر نماینده هیئتینین قیریمدا اینسان حاقلاری وضعیتی ایله باغلی سون حادثهلری آراشدیر طلبی روسیا طرفیندن رد ائدیلدیگی، اونا گؤره ده نماینده هیئتینین قیریما گیرهبیلمهدیگی ایفاده ائدیلدی.
راپوردا ایفادهلری یئر آلان گوترش، "روسیانین شرطلرینه گؤره، اینسان حاقلاری یوکسک کمیسرلیگی دفتری، باش قورورل قرارینا اساساً قیریمدا ساحه چالیشماسی آپارماق اوچون اویغون بیر یول تاپابیلمهدی" آچیقلاماسینی وئردی.