قازاقیستان آنایاساسیندا نظربایئوله باغلی دییشیکلیک
آنایاسادا نورسلطان نظربایئوین "قوروجو جمهورباشقانی" ایستاتوسونون ایفاده ائدیلمهسینه گرهک اولمادیغی بیلدیریلدی
قازاقیستاندا، آنایاسادا ائدیلهجک دییشیکلیکلر چرچیوهسینده نورسلطان نظربایئوین "قوروجو جمهورباشقانی" ایستاتوسونون ایفاده ائدیلمهسینه گرهک اولمادیغی بیلدیریلدی.
قازاقیستان دؤولت کاتیبی یئرلن کارین، تلگرام کانالیندان یاییملادیغی مئساژدا، آنایاسا شوراسینین، جمهورباشقانی قاسم جؤمرت توکایئوین 'آنایاسادا دییشیکلیک' مراجعتینی مثبت دگرلندیردیگینی ایفاده ائتدی.
کارین، سؤز قونوسو آنایاسا اصلاحاتینین اقتدارداکی یؤنتیملر آراسینداکی ایلیشکیلرین دنگهسینی ان یاخشی سویهیه داشیماق، خالقین اؤلکه رهبرلیگینه قاتیلیمینی گئنیشلتمک و وطنداشلارین آنایاسا حاقلارینین قورونماسینی گوجلهندیرمک مقصدیله ائدیلدیگینی وورغولادی.
بونون یانیندا بعضی آنایاسا چالیشا قروپو عضولرینین تکلیفلرینین دقته آلیناراق، اؤلکهنین بیرینجی جمهورباشقانینین ایستاتوسونا باغلی آنایاسا شوراسینا علاوه بیر مراجعت داها ائدیلدیگینی بیلدیرن کارین، "اونلارا گؤره، عمومیتله بیرینجی جمهورباشقانینین تاریخی رولو یاخشی بیلینمکدهدیر و آنایاسادا آیریجا ایفاده ائدیلمهسی لازیم دئییل" ایفادهلرینی ایشلتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک