آذربایجان-ارمنیستان اورتاق کمیسیونو توپلاناجاق

آذربایجان و ارمنیستان، اورتاق کمیسیونون قیسا زاماندا توپلانماسینی قرارلاشدیردی.

آذربایجان خاریجی ایشلر باخانی جیحون بایراموو ایله ارمنیستان خاریجی ایشلر باخانی آرارات میرزویان، تلفندا دانیشدی.

آذربایجان خاریجی ایشلر باخانلیغیندان وئریله‌ن آچیقلامایا گؤره، ایکی باخان، لیدئرلر سویه‌سینده واریلان آنلاشمالارین داوامی اؤزللیگینده فیکیر آلیش وئریشی ائتدی.

باخانلار، سرحدلرین تعیین اولونماسی اوچون قورولماسی نظرده توتولان کمیسیونون قاتیلیمچی پارامترلری اوزرینده آنلاشدی.

اورتاق سرحد کمیسیونو ایله باریش آنلاشماسی اوزرینده چالیشاجاق ایش قروپونون یاخین زاماندا بیر آرایا گلمه‌سینی قرارلاشدیران باخانلار، اینسانی ساحه‌ده آددیملارین داوام ائتدیریلمه‌سی قونوسوندا فیکیر آلیش وئریشی ائتدی.