قازاقیستاندا سؤءقصد پلانلایان جاسوس یاخالاندی
"جاسوس، اؤن سوروشدورما سیراسیندا، خاریجی بیر دؤولتین تاپشیریقلاری و چیخارلاری ایستیقامتینده بو ائیلملری گرچکلشدیردیگینی قبول ائتدی"
قازاقیستاندا جمهورباشقانی قاسم جومرد توکایئو ایله اوست سویه باشقا بعضی دؤولت یئتکیلیلرینه سؤءقصد پلانلادیغی اورتایا چیخان بیر جاسوس گؤزآلتینا آلیندی.
قازاقیستان میللی گوونلیک کمیتهسی طرفیندن وئریلهن آچیقلامادا، اؤزل بیریم طرفیندن تشکیل ائدیلهن عملیات چرچیوهسینده، باشکند نورسلطاندا، خاریجی استخبارات سرویسینه چالیشان بیر قازاقیستان وطنداشینین گؤزآلتینا آلیندیغی ایفاده ائدیلدی.
بو جاسوسون، قازاقیستان جمهورباشقانی ایله اوست سویه باشقا بعضی دؤولت گؤرهولیلرینه سؤءقصد گیریشیمینین یانیندا، گوونلیک گوجلرینه ده ترور ائیلمی پلانلادیغی بیلدیریلن آچیقلامادا،
"آختارما فعالیتلری نتیجهسینده سوسدوروجولو کسکین نیشانچی توفنگی، اویوشدوروجو ماده ایله یوکلو میقداردا پول اله گئچریلدی. سلاحلار، قازاقیستانا حرفهای بیر شکیلده گیزلنمیش پارچالار حالیندا آپاریلمیش" دگرلندیرمهسی وئریلدی.
جاسوسون، اؤلکهده روس قارشیدی تبلیغاتی تشویق ائتمه و سوسیال مئدیادا پایلاشیملار یایاراق، توپلومدا روس دوشمنی گؤروشلر یاراتما وظیفهلرینی ده یئرینه یئتیردیگی قید ائدیلن آچیقلامادا،
"بو قازاقیستان وطنداشی، اؤن سوروشدورما سیراسیندا، خاریجی بیر دؤولتین تاپشیریقلاری و چیخارلاری ایستیقامتینده بو ائیلملری گرچکلشدیردیگینی قبول ائتدی" ایفادهلری ایشلهدیلدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک