علییئو: ارمنیستانلا باریش آنلاشماسی ایمضالامالیییق
"گونئی قافقازداکی اوچ اؤلکه آراسیندا آکتیو امکداشلیق پتانسیلی گؤروروک و بو یالنیز بو اؤلکه‌لر اوچون دئییل داها گئنیش بؤلگه اوچون اؤنملی اولاجاق"
آذربایجان جمهورباشقانی ایلهام علییئو، ممکن اولان ان قیسا مدتده ارمنیستانلا باریش آنلاشماسی ایمضالامالاری لازیم اولدوغونو سؤیله‌دی.
علییئو، گونئی قافقاز سفری چرچیوه‌سین‌ده آذربایجانا گئدن لهستان خاریجی ایشلر باخانی و آوروپا گوونلیک و امکداشلیق تشکیلاتی دؤنم باشقانی زبیگنیو رائونو قبول ائتدی.
گؤروشمه‌ده، ارمنیستانلا نورماللاشما سوره‌جین‌دن بحث ائد‌ن علییئو، آوروپا شوراسی باشقانی شارل میشلین گیریشیمی ایله ارمنیستان باشباخانی نیکول پاشینیانلا یئنی بیر گؤروشمه گرچکلشدیرجگینی بیلدیردی.
آذربایجان جمهورباشقانی،
"بو گؤروشمه‌نین وئریملی اولاجاغینی اومود ائدیره‌م. داها اول بیر نئچه گؤروشمه گرچکلشدیردیک و بیز باریشا دوغرو ایرلیله‌مه‌لیییک، ممکن اولان ان قیسا مدتده ارمنیستانلا باریش آنلاشماسی ایمضالامالیییق. آذربایجان، بونون اوچون آنا پرینسیپلرینی سوندو" ایفاده‌سینی ایشلتدی.
قاراباغ پروبلئمینین بیتدیگینی، ایندی ده آذربایجانلا ارمنیستان ایلیشکیلرینی دوزنله‌مه‌نین زامانینین گلدیگینی ایفاده ائد‌ن علییئو،
"ارمنیستان یئتکیلیلرین‌دن معین مئساژلار آلیریق. یاخین زامان‌دا منه وئریله‌ن معلوماتا گؤره، اونلار بیزیم تکلیفیمیزی قبول ائدیله‌بیلر گؤرورلر. بو چوخ یاخشی بیر خبر و اومود ائدیره‌م بروکسل‌ده‌کی ییغینجاق‌دا بو مؤوضوع دقیقله‌شر" دئیه دانیشدی.
علییئو، باریش اوچون ارمنیستانا سوندوقلاری ۵ ایلکه‌نین اولوسلارآراسی حقوق نورمالارینی و یاخشی اولوسلارآراسی داورانیشی عکس ائتدیردیگینی وورغولایاراق، بونلاری قید ائتدی:
"یئنی بیر شئی ایجاد ائتمه‌دیک. بوتون بو ایلکه‌لر، اؤلکه‌لر آراسین‌داکی اولوسلارآراسی ایلیشکی‌لرین تمل ایلکه‌لریدیر. تورپاق بوتونلوگونون و اولوسلارآراسی سرحدلرین توخونولمازلیغینین قارشیلیقلی اولاراق تانینماسی و آردیندان سرحدلرین تعیین اولونماسی تملین‌ده، قافقازا باریشین گله‌جگینی دوشونوره‌م. بیزیم ایسته‌گیمیز بودور. گونئی قافقازداکی اوچ اؤلکه آراسیندا آکتیو امکداشلیق پتانسیلی گؤروروک و بو یالنیز بو اؤلکه‌لر اوچون دئییل داها گئنیش بؤلگه اوچون اؤنملی اولاجاق. طبیعی کی بوتون بو مؤوضوعلارین چوخ دقتلی و زامانیندا اله آلینماسی لازیم‌دیر."
ارمنیلرین ۳۰ ایللیک ایشغال دؤورونده آذربایجان تورپاقلاریندا ائتدیگی ییخیملار و بؤلگه‌ده‌کی مین پروبلئمی قونوسوندا رائونو بیلگیلندیرن ایلهام علییئو، ۱.جی قاراباغ ساواشیندا ۴ مین آذربایجانلینین ایتدیگینی و اونلاردان ایندییه قدر خبر آلینابیلمه‌دیگینی ایضاح ائتدی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
