نظربایئوین عمورلوک باشقانلیق صلاحیتلری لغو ائدیلدی
نظربایئوین قازاقیستان گوونلیک شوراسی ایله قازاقیستان خالق قورولو کیمی قوروملارا عمورلوک باشقانلیق ائتمه یئتکیلری قالدیریلدی
قازاقیستانین قوروجو جمهورباشقانی نورسلطان نظربایئوین گوونلیک شوراسی ایله قازاقیستان خالق قورولونداکی عمورلوک باشقانلیق صلاحیتلری لغو ائدیلدی.
مجلیسین اۆست قانادی سنا، هفتهلیک عمومی توپلانتیسیندا اؤلکهنین ایلک جمهورباشقانی نورسلطان نظربایئوین سیاسی صلاحیتلرینی احتوا ائدن قانون لایحهسینده ائدیلن بعضی دییشیکلیکلری قبول ائتدی.
بونا گؤره، نظربایئوین قازاقیستان گوونلیک شوراسی ایله قازاقیستان خالق قورولو کیمی قوروملارا عمورلوک باشقانلیق ائتمه یئتکیلری قالدیریلدی.
یاسا تاساریسی سناتورلار طرفیندن اوی بیرلیگی ایله قبول ائدیلدی.
بو قانون لایحهسی بیر هفته اؤنجه مجلیس ملت وکیللری طرفیندن اونایلاناراق سنایا سونولموشدو.
قازاقیستانی ۳۰ ایله یاخین یؤنتدیکدن سونرا ۲۰۱۹.جو ایلده استعفا ائدن نظربایئو هله ده قازاقیستان گوونلیک شوراسی، قازاقیستان خالق مجلیسیو نور اوتان پارتیسیندهکی باشقانلیق وظیفهلرینی داوام ائتدیریردی.
نظربایئو، گوونلیک شوراسی باشقانلیغی وظیفهسینی ایسه اؤلکهده بو ایلین باشیندا باش وئرهن حادثهلردن سونرا جمهورباشقانی قاسم جؤمئرت توکایوه وئردیگینی آچیقلامیشدی.