آذربایجاندا حیات بیر دقیقه دوردو
آذربایجان جمهوریتینده و آذربایجانین یاشاندیغی و یاشادیلدیغی هر یئرده، قانلی ژانویه فاجعهسینین ۳۲.جی ایلدؤنومو حزون و غرورولا یاد ائدیلیر
آذربایجاندا ۲۰ ژانویه شهیدلرینین خاطرهسی بیر دقیقهلیک سوکوتلا یاد اولوندو.
آذربایجان جمهوریتینده و آذربایجانین یاشاندیغی و یاشادیلدیغی هر یئرده، قانلی ژانویه فاجعهسینین ۳۲.جی ایلدؤنومو حزون و غرورولا یاد ائدیلیر.
۲۰ ژانویهده باکی واختی ایله ساعات ۱۲:۰۰دا آذربایجان جمهوریتینین هر یئرینده "۲۰ یانوار" شهیدلرینین خاطرهسی بیر دقیقهلیک سوکوتلا یاد اولوندو.
اؤلکهده حرکتین دوردوغو آنلاردا، گمیلردن، اتومبیللردن سیگناللار وئریلدی، ماتم علامتی اولاراق دؤولت بایراقلاری یارییا ائندیریلدی.
آذربایجان هر یئرینده بوتون شهر و رایونلاردا شهیدلرین خاطرهسی آنیلیر، ۲۰ ژانویه حادثهلری ایله باغلی آنیم مراسیملری گئچیریلیر.
سحر ساعتلاریندان باشلایاراق باشدا پرزیدنت ایلهام علییئو و خانیمی مهربان علییئوا اولماقلا شهیدلر خیابانینی زیارت ائدن وطنداشلار، قهرمان وطن اؤولادلارینین خاطرهسینی سایغییلا آنیر، مزارلاری اوزرینه تر چیچکلر دوزورلر.
جان آذربایجان! سئوینجین سئوینجیمیز، کدرین کدریمیزدیر!