آذربایجان - ارمنیستان سرحد خطینده گرگینلیک
"ارمنیستانین عسگری تخریباتلارینا داوام ائتمهسینی شدتله قیناییریق"
آذربایجان ساوونما باخانلیغی، ارمنیستان سلاحلی گوجلرینین کلبجر ایستیقامتینده دونن گوناورتا ساعاتلاریندا باشلاتدیغی تخریبات سببیله سرحدده وضعیتین گرگینلشدیگینی بیلدیردی.
باخانلیقدان وئریلهن آچیقلامادا، آذربایجان اوردوسونون قارشی طرفین سالدیریلارینین اؤنلهنمهسی اوچون مداخیله تدبیرلری تطبیق ائتدیگی بیلدیریلدی.
آذربایجان اوردوسونون توپ و یا هاوا آراجلاریندان ایستیفاده ائتمهدیگی، وضعیتین آذربایجان عسگرلرینین کنترلوندا اولدوغو ایفاده ائدیلدی.
آذربایجان خاریجی ایشلر باخانلیغیندان وئریلهن آچیقلامادا دا،
"ارمنیستانین عسگری تخریباتلارینا داوام ائتمهسینی شدتله قیناییریق" دئییلدی.
آچیقلامادا، گرگینلیین بوتون مسئولیتینین ارمنیستانین عسگری و سیاستچیلرینده اولدوغونو بیلدیردی.
دونن گون اورتا ساعاتلاریندا ارمنیستان سلاحلی گوجلرینین آتیشی نتیجهسینده بیر آذربایجان عسگری شهید اولموشدو.