بایراموو: تورکیه‌نین ارمنیستانلا ایلیشکیلرینین نورماللاشماسینا تام دستک وئریریک
"شوشا بیاننامه‌سی ایله آذربایجان و تورکیه آراسیندا ایلیشکیلر متفیق‌لیک سویه‌سینه قالدیریلدی"
آذربایجان، تورکیه ایله ارمنیستان آراسیندا ایلیشکیلرین نورماللاشماسینا تام دستگینی آچیقلادی.
آذربایجانین خاریجی ایشلر باخانی جیحون بایراموو، ایل سونو دگرلندیرمه‌لری توپلانتیسیندا یئرلی و خاریجی مطبوعات نماینده‌لرینین سواللارینی جاوابلاندیردی.
۳۰ ایللیک ایشغال وضعیتینین بؤلگه‌یه ووردوغو ضررین آنلادیلماسینین آذربایجانین خاریجی سیاستینین اؤنجه‌لیکلری آراسیندا اولدوغونو وورغولایان بایراموو، آذربایجانلا ارمنیستان آراسیندا گئدن یارغی پروسه‌لرین‌دن ده دانیشدی.
ایکی اؤلکه‌نین اولوسلارآراسی عدالت محکمه‌سین‌ده بیر-بیرلرینی شکایت ائتدیگینی خاطیرلادان بایراموو، ارمنیستانین اساس‌سیز ادعالارینین اکثریتینین محکمه طرفین‌دن قبول ائدیلمه‌دیگینی بیلدیردی.
اولوسلارآراسی محکمه‌لرده ارمنیستانا قارشی مباریزه‌نی داوام ائتدیره‌جکلرینی ایفاده ائد‌ن بایراموو،
"ایلک نؤوبه‌ده، چئوره‌یه دیه‌ن ضرر و طبیعی ثروتلردن غیرقانونی ایستیفاده‌سی ایله باغلی اولوسلارآراسی محکمه‌لره مراجعت ائده‌جییک. بو مسئله ۲۰۲۲.جی ایلده ده بیزیم وظیفه‌لریمیز سیراسین‌دادیر" دئدی.
بایراموو تورکیه ایله آذربایجان آراسین‌داکی ایلیشکیلری دیرله‌ن‌دیره‌رک:
"۲۰۲۱.جی ایل ۱۵ ژوئنده ایمضالانمیش تاریخی شوشا بیاننامه‌سینین اؤنمینی وورغولاماق ایستردیم. بو بیاننامه ایله آذربایجان و تورکیه آراسیندا ایلیشکیلر متفیق‌لیک سویه‌سینه قالدیریلدی" دئدی.
بایراموو تورکیه ایله ارمنیستان آراسیندا نورماللاشما پروسه‌سینه دایر ایسه،
"بیز ارمنیستان-آذربایجان ایلیشکیلرینین اولوسلارآراسی حقوق پرینسیپلری اساسین‌دا نورماللاشماسینین طرفداریییق. بیز حتی باریش آنلاشماسی اوزرین‌ده ایشله‌مه‌یه حاضر اولدوغوموزو بیان ائتمیشیک. دوشونوروک کی، بونون داها گئنیش سویه‌ده بؤلگه اؤلکه‌لری آراسین‌داکی ایلیشکیلرین نورماللاشماسی خصوصوندا تمل اولوشدورابیلر. قارداش تورکیه‌نین ارمنیستانلا ایلیشکیلرینین نورماللاشماسینا تام دستک وئریریک. تورکیه‌نین بو قونودا بوتون سویه‌لرده وئردیگی مئساژلاری تقدیر ائدیریک. دگرلی قارداشیم، خاریجی ایشلر باخانی مؤولود چاووش‌اوغلو هر آچیقلاماسیندا بو مقونونون بؤلگه‌ده‌کی پروسه‌لره مثبت تأثیرین‌دن، بو مسئله‌لرین آذربایجانلا مذاکره ائدیلمه‌سیندن، اورتاق چیخار و توتوملاریمیزدان دانیشیر" دئدی.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
