تورک دؤولتلری آراسیندا اوزای قونوسوندا ایش‌بیرلیگی
"اؤنمی ایر‌لی‌ده‌کی ایللرده داها چوخ آیدین اولاجاق تاریخی بیر آددیم آتیریق"
تورک دؤولتلری تشکیلاتی عضو و گؤزلمچی دؤولتلرینین اوزای آژانسلاری و باغلی قورولوشلارینین ایلک ییغینجاغی آذربایجانین باشکندی باکی‌دا ائدیلدی.
باکی‌دا، آذربایجان اوزای آژانسینین ائو صاحیبلیگینده گرچکلشدیریلن ییغینجاغا تورکیه، قازاقیستان، قیرقیزیستان، اؤزبکیستان، تورکمنیستان و ماجاریستان‌دان یئتکیلیلر قاتیلدی.
ییغینجاقدا، تورک دؤولتلری تشکیلاتی عضولرینین اوزای پروژه‌لریله باغلی سونوملار ائدیلدی، بو ساحه‌ده ایش بیرلیکلرینی گلیشدیرمک اوچون اورتاق فعالیت ایستیقامتلرینین تعیین اولونماسی باره‌سین‌ده مذاکیره‌لر ائدیلدی.
ییغینجاقدا تورکیه‌نی تمثیل ائد‌ن تورکیه اوزای آژانسی باشقانی سردار حسین ییلدیریم، مطبوعات منسوبلارینا وئردیگی آچیقلامادا،
"اؤنمی ایر‌لی‌ده‌کی ایللرده داها چوخ آیدین اولاجاق تاریخی بیر آددیم آتیریق" دئدی.
آذرکوسموس باشقانی سام‌الدین اسدوو دا بؤیوک دؤولتلرین اوزایا بؤیوک سرمایه‌لر قویدوغونو خاطیرلاداراق، تورک دؤولتلرینین ده اوزای ایشلرین‌ده گوج بیرلیگی ائتمه‌سی لازیم اولدوغونو وورغولادی.
تورک دؤولتلری تشکیلاتی باش کاتیب کؤمکچی‌سی میرووخید عظیموو ایسه عضو اؤلکه‌لرین اوزای ساحه‌سین‌ده بؤیوک پتانسیلی اولدوغونا دقت چکه‌رک،
"اؤلکه‌لرین بو پتانسیلی قوللانمالاری، بیر بیرلرینین تجروبه‌لرین‌دن ایستیفاده ائتمه‌لری اوزای ساحه‌سین‌ده‌کی امکداش‌لیق اوچون اؤنملی بیر آلت‌یاپی اولوشدوراجاق" دئدی.
ایلگیلی‌لی خبرلر
تورکیه-آذربایجان بیلیم‌یوردو قورولور
جمهورباشقانی علییئو، "تورکیه-آذربایجان بیلیم‌یوردونون قورولماسینا باغلی آنلاشما متنی"نه اونای وئردی
