عدالت دیوانی، ارمنیستانی اویاردی

اولوسلارآراسی عدالت دیوانی، ارمنیستان‌دان آذربایجان‌لیلارا قارشی ائتنیک آیریمچیلیغی اؤنله‌مه‌سینی ایسته‌دی.

بیرلشمیش میللتلره باغلی یارغی اورگانی اولوسلارآراسی عدالت دیوانی، آذربایجان و ارمنیستان آراسین‌داکی "عیرق آیریمچیلیغی" شکایتلرینده گئچیجی تدبیر قرارلارینی آچیقلادی.

هلندین لاهه شهرین‌ده‌کی اولوسلارآراسی عدالت دیوانی، "هر جور عیرق آیریمچیلیغین تصفیه ائدیلمه‌سینه دایر اولوسلارآراسی سؤزلشمه"نین پوزولماسینا باغلی آذربایجان و ارمنیستان آراسین‌داکی شکایتلرده قارشیلیق‌لی گئچیجی تدبیرلره حؤکم ائتدی.

دیوان، آذربایجانین ائتدیگی شکایته باغلی تدبیر قرارین‌دا، ارمنیستانین آذربایجان‌لیلارا قارشی بعضی حرکتلرینین عیرق آیریمچیلیغی سؤزلشمه‌سینین چئشیدلی ماده‌لرینی پوزدوغونو وورغولادی.

آیریجا دیوان، آذربایجان‌لیلارا قارشی سوسیال مئدیادا یئریدیله‌ن تهدید، تحقیر و قارالاما کمپینلرینه دقت چکه‌ن آذربایجان هئیتینین طلبینی دقته آلاراق، ارمنیستان‌دان آذربایجان‌لیلارا قارشی ائتنیک آیریمچیلیق ائتمه‌مه‌سینی ایسته‌دی.

قراردا ارمنیستانا، نیفرت سوچو ایشله‌یه‌ن ارمنیلری انگللمه‌سی لازیم اولدوغو دا خاطیرلادیلدی.

ارمنیستانین آتیش‌کسه باخمایاراق قاراباغ‌دا تورپاق آلتینا مین دؤشه‌مه‌یه داوام ائتمه‌سینه باغلی هر هانسی بیر تدبیره حؤکم ائتمه‌یه‌ن دیوان، ایکی اؤلکه‌یه، آنلاشمازلیغی آغیرلاشدیریجی داورانیشلاردان قاچینمالاری اویاریسی ائتدی.