قاراباغ ظفرینین بیرینجی ایل‌دؤنومو ایله باغلی بیلدیری یاییملاندی
"ارمنیستان، بؤلگه‌سل امکداش‌لیق ایله قونشولارینا قارشی یاسادیشی و اساسسیز تورپاق ادعالاری آراسین‌دا سئچیم ائتمه‌لی‌دیر"
آذربایجان خاریجی ایشلر باخانلیغی، ارمنیستان بؤلگه‌سل امکداش‌لیق ایله قونشولارینا قارشی یاسادیشی و اساسسیز تورپاق ادعالاری آراسین‌دا سئچیم ائتمه‌لی اولدوغونو بیلدیردی.
باخانلیق، قاراباغ ظفرینین بیرینجی ایل‌دؤنومو ایله باغلی بیلدیری یاییملادی.
بیلدیریده، ارمنیستانین آرتان سالدیری و تخریباتلارینا قارشی ۲۷ سپتامبر ۲۰۲۰ تاریخین‌ده باشلایان و ۴۴ گون داوام ائد‌ن «وطن محاربه‌سی» نتیجه‌سین‌ده آذربایجانین اؤز تورپاقلارینی ایشغال‌دان آزاد ائتدیگی خاتیرلادیلدی، بیرلشمیش میللتلر تشکیلاتینین گوونلیک شوراسینین قطعنامه‌لری و دیگر اولوسلارآراسی قورولوشلارین قرارلارینا اویغون اولاراق اؤلکه‌نین تورپاق بوتؤولوگونون ساغلاندیغی، ۱ میلیونا یاخین آذربایجان‌لی کؤچگونون آتا-بابا یوردون‌دا یاشاما حاقینین تامین ائدیلدیگی بیلدیریلدی.
بیلدیریده، ۱۰ نوامبر ۲۰۲۰ده آذربایجان، روسیا و ارمنیستان لیدئرلرینین ایمضالادیغی اوچلو بیلدیری ایله ارمنیستان مغلوبیتینی قبول ائتدیگی و کلبجر، آغدام و لاچین ویلایتلرین‌دن اوردولارینی چیخارتدیغی، بونونلا دا پروبلئمین حربی و سیاسی یوللارلا حل ائدیلدیگی بیلدیریلدی.
بیلدیریده، ارمنیستانین ۳۰ ایله یاخین سالدیرقان سیاستی، اولوسلارآراسی حقوق پوزونتولاری وساواش سوچلاری دولاییسیلا محاکیمه اولونماسی اوچون آذربایجانین لازیم اولان آددیملار آتدیغی و بو پروسه‌نین داوام ائتدیگی ایفاده ائدیلدی.
سوچلولارین جزالاندیریلماسینین، عدالتین تامین اولونماسی و گله‌جک‌ده بئله حاللارین تکرارلانماسینین قارشیسینین آلینماسی باخیمین‌دان اؤنمینه وورغو ائدیلن بیلدیریده آشاغی‌داکی ایفاده‌لره یئر وئریلدی:
"آذربایجان ایشغال فاکتورونو آرادان قالدیرماقلا، اولوسلارآراسی حقوق پرنسیپلرینه، اؤزللیکله ده اگمنلیک، تورپاق بوتؤولویو و اولوسلارآراسی سرحدلرین توخونولمازلیغی پرنسیپلرینه شکیلده باغلی قالینماسی شرطی ایله ارمنیستانلا ایلیشکیلرینی نورماللاشدیرماغا حاضردیر. بؤلگه‌ده باریش و گوونلیگی تامین ائتمک اوچون بو مرحله‌ده اولوی بیاننامه‌لرین تام شکیلده یئرینه یئتیریلمه‌سی اؤنملیدیر و آذربایجانین بو ایستیقامت‌ده آتدیغی آددیملارا ارمنیستانا جاواب وئرمه‌سی گؤزله‌نیلیر. ارمنیستان بؤلگه‌سل امکداش‌لیق ایله قونشولارینا قارشی یاسادیشی و اساسسیز تورپاق ادعالاری آراسین‌دا سئچیم ائتمه‌لی‌دیر. اولوسلارآراسی توپلوم بو مسئله‌ده مثبت رول اوینامالی و باریشین آلترناتیوینین اولمادیغینی آنلامالاری اوچون ارمنیستانا چاغری ائتمه‌لی‌دیر. ارمنستانداکی انتقامچی میل و بو اؤلکه‌نین سلاحلانماسینا بیرباشا و یا دولایی یوللا دستک گیریشیملرینه سون وئریلمه‌لیدیر".
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
