بیر آذربایجان عسگری شهید اولدو

آذربایجان، ساوونما باخانلیغی روس عنصورلارین کنترلوندا‌کی بؤلگه‌دن یاسادیشی ارمنی سلاح‌لی قروپلار طرفین‌دن ائدیلن آتیش نتیجه‌سینده بیر آذربایجان عسگرینین شهید اولدوغونو بیلدیردی.

باخانلیقدان وئریلن آچیقلامادا، یئرلی ساعات ایله ۱۸.۱۵ سیرالارین‌دا ارمنی سلاح‌لی قروپلارین ائتدیگی کسکین نیشانچی آتیشی نتیجه‌سینده بیر عسگرین حیاتینی ایتیردیگی بیلدیریلدی.

آچیقلامادا، ترور سالدیریسی اولاراق تانیملانان ائیلمین آراشدیریلماسی اوچون تورک-روس اورتاق گؤزلم مرکزینه طلب‌ده گؤندریلدیگی قید ائدیلدی.

مینسک‌ده روسیا، آذربایجان و ارمنیستان خاریجی ایشلر باخانلارینین اوچلو توپلانتی گرچکلشدیردیگی سیرادا یاسادیشی ارمنی سلاح‌لی قروپلارین ایشه‌لدیگی ترور حرکتینین قصیدلی بیر تخریبات اولدوغو ایفاده ائدیله‌ن آچیقلامادا، ارمنیستانین بؤلگه‌ده‌کی وضعیتی قصداً گرگینلشدیرمه‌یی، ۱۰ نوامبر ۲۰۲۰ده ایمضالانان اوچلو بیلدیرینین تطبیق اولونماسینی انگلله‌مه‌یی و روس عنصورلارین فعالیتینه کؤلگه سالماغی آماجلادیغی ایفاده ائدیلدی.

آچیقلامادا آیریجا ترور حرکتینی گرچکلشدیرن یاسادیشی ارمنی سلاح‌لی قروپلارین ائتکیسیز حالا گتیریلمه‌سی و اونلاردان حساب سوروشولماسی اوچون آذربایجان قانونلارینا اویغون اولاراق قرارلی آددیملارین آتیلاجاغی ایفاده ائدیلدی.