تورکیه ایله آذربایجان آراسیندا چالیشما پروگرامی ایمضالاندی

"آذربایجان، گوجلو بیر دؤولت اولاراق لازیم اولان هر شئیی ائد‌جک. بیز ده باخانلی اولاراق امکداشلیغیمیزی ان یوکسک سوییه‌ده توتماغا داوام ائدجییک"

1718570
تورکیه ایله آذربایجان آراسیندا چالیشما پروگرامی ایمضالاندی

تورکیه ایله آذربایجان آراسین‌دا چئوره قوروما ساحه‌سین‌ده چالیشما پروگرامی ایمضالاندی.

چئوره و شهرچیلیک باخانی مراد قوروم، گئتدیگی آذربایجان‌دا چئوره و طبیعی قایناقلار باخانی مختار بابایئوله بیر آرایا گلدی.

قوروم، گؤروشمه‌ده ائتدیگی دانیشمادا "ایکی دؤولت، تک میللت" شعارییلا چالیشدیقلاری آذربایجان‌لی قارداشلارینی هر زامان یانلارین‌دا گؤردوکلرینی، گؤرمه‌یه ده داوام ائد‌جکلرینی سؤیله‌دی.

قاراباغ‌دا جدی ییخیملارین اولدوغونو وورغولایان قوروم،

"آذربایجان، گوجلو بیر دؤولت اولاراق لازیم اولان هر شئیی ائد‌جک. بیز ده باخانلی اولاراق امکداشلیغیمیزی ان یوکسک سوییه‌ده توتماغا داوام ائدجییک" دئدی.

آذربایجانلا چئوره قوروما ساحه‌سین‌ده داها اؤنجه آنلاشما ایمضالادیقلارینی ایفاده ائد‌ن قوروم، آذربایجان اوچون ائدیلمه‌سی لازیم اولان هر جور امکداشلیغا حاضر اولدوقلارینی بیر دفعه داها تکرارلادی.

بابایئو ده، چئوره قوروما و ایقلیم دییشیکلیگینین ضررلرینین آزالدیلماسی ساحه‌لرین‌ده تورکیه ایله ایش بیرلیکلرینی سرعتله‌ندیره‌جکلرینی سؤیله‌دی.

قاراباغ‌دا هر طرفلی آبادلیق ایشلری گؤردوکلرینی ایفاده ائد‌ن بابایئو،

" اورادا دا اورتاق ایش گؤرمک، تورکیه‌نین تجروبه‌سین‌دن فایدالانماق ایسته‌ییریک. ایقلیم دییشیک‌لیگی قونوسون‌دا دا تورکیه ایله امکداشلیغی گلیشدیرمک نیتینده‌ییک" دئدی.

گؤروشمه سونون‌دا قوروم و بابایئو، "چئوره قوروما ساحه‌سین‌ده امکداش‌لیق آنلاشماسینین تطبیق اولونماسی حاقین‌دا ایکی ایللیک ایش پروگرامینی" ایمضالادی.



ایلگیلی‌لی خبرلر