آذربایجان‌دان ایرانا: تروریست آختارانلار، اطرافینا باخسین!
"آذربایجان، تورپاقلارینی شهیدلرینین قانلاری و جانلاری باهاسینا ایشغال‌دان قورتاردی"
آذربایجان خاریجی ایشلر باخانلیغی سؤزچوسو لیلا عبدالله‌یئوا، ایران خاریجی ایشلر باخانی امیر عبداللهیانین "آذربایجان‌دا تروریست قروپلار اولدوغونا" دایر ادعاسی اوزرینه،
"تروریست آختارماق ایسته‌یه‌نلره توصیه‌میز، اطرافینا یاخشی باخمالاری‌دیر" ایفاده‌سینی ایشلتدی.
لیلا عبدالله‌یئوا، وئردیگی یازی‌لی آچیقلامادا، ایران خاریجی ایشلر باخانی حسین امر عبداللهیانین، لبنانین المنار کانالینا وئردیگی مصاحیبه‌یه باغلی،
"آذربایجان قارشیدی تبلیغات ایرانا فایدا وئرمه‌یه‌جک" دگرلندیرمه‌سینی وئردی.
ایران خاریجی ایشلر باخانلیغینین، آذربایجانا قارشی قارالاما کامپانیاسین‌دان وازگئچمه‌دیگی و بو جور سوچلامالارین تامامیله رد ائدیلدیگی وورغولانان آچیقلامادا، بونلار قید ائدیلدی:
"۴۴ گونلوک ساواشدا دا ایفاده ائتمیشدیک ایندی ده ایفاده ائدیریک کی آذربایجان تورپاقلارین‌دا ادعا ائدیلدیگی کیمی هئچ بیر تروریست اولمادی و ایندی ده یوخدور. تروردان اذیت چکن بیر اؤلکه اولان آذربایجان‌دا، هئچ بیر زامان تروریستلره یئر اولمامیشدیر.
آذربایجان، تورپاقلارینی شهیدلرینین قانلاری و جانلاری باهاسینا ایشغال‌دان قورتاردی. جمهورباشقانی ایلهام علییئوین ده ایفاده ائتدیگی کیمی، ۱۰۰ مین‌دن چوخ عسگری اولان آذربایجانین، پوللو عسگرلره احتیاجی یوخدور.
ساواش سیراسین‌دا ایران طرفین‌دن بئله بیر سوچلاما ائدیلمه‌دی و ساواش‌دان سونرا یئنی حکومت اقتدارا گلنه قدر ده بو قونودا راحاتسیزلیغا سبب بیر وضعیت یاشانمادی".
آچیقلامادا،
"بو اساسسیز سوچلامالارین سببینین، ایران تریلی‌لرینین، آذربایجان تورپاقلارینا یاسادیشی گیریشلرینین انگللنمه‌سی و آذربایجان تورپاقلارینین ایشغال‌دان قورتاریلماسی اولدوغو بیلینیر. تروریست آختارماق ایسته‌یه‌نلره توصیه‌میز، اطرافینا یاخشی باخمالاری‌دیر.
ایشغال آلتین‌داکی بؤلگه‌لرده ارمنی موزد‌لو ساواشچیلارین اولماسینا باغلی آچیق دلیللری، گئچه‌ن ایل ایرانین باکی ائلچیلیگی داخیل بوتون ائلچیلیکلره چاتدیرمیشدیق" گؤروشو پایلاشیلدی.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
