آذربایجاندان ایرانا: سوروملو اولون!
"ایرانلی مقاملاری داها سوروملو اولماغا، یانلیش و یا قارالاییجی بیلگی یایماقدان قاچینماغا چاغیریریق"
آذربایجان سرحد خیدمتلری، ایران سرحدینده هر هانسی بیر اوچونجو اؤلکهیه عاید گوجون اولمادیغینی ایفاده ائدرک، بو قونودا یانلیش بیانلار وئرن ایرانلی مقاملارا، "مسئولیتلی اولون" چاغریسی ائتدی.
سرحد خیدمتلریندن وئریلهن آچیقلامادا، ایران سرحد گؤزتچیلری قوموتانی ژنرال علی گودرزینین، ایران مطبوعاتینا آذربایجانلا باغلی اساسسیز بیانلار وئردیگی قید ائدیلدی.
آچیقلامادا،
"دؤولت سرحد خیدمتلری، رسمی اولاراق بیان ائدیر کی آذربایجان سرحدینده هر هانسی بیر اوچونجو دؤولتین گوجلری هئچ بیر زامان اولمادی، ایندی ده یوخ، بوندان سونرا دا اولمایاجاق" ایفادهسینه یئر وئریلدی.
آذربایجان تورپاقلارینین، ایرانا قارشی جاسوسلوق فعالیتلرینده ایستیفاده ائدیلدیگی یولونداکی ادعالارین دا یالانلاندیغی آچیقلامادا،
"آذربایجان سرحدینده، سرحد محافظه قوروملاریندا خاریجی گوجلر و متخصصلر یوخدور. آذربایجان سرحد خیدمتلرینین، خاریجی گوجلرین دستگینه احتیاجی یوخدور" دگرلندیرمهسی وئریلدی.
آذربایجان-ارمنیستان سرحدینده و گوروس-قافان یولونون آذربایجاندان گئچهن بؤلگهسینده، سرحد و گؤمروک یوخلامالارینین تطبیق اولونماسینین، آذربایجانین اگمنلیک حاقی اولدوغو وورغولانان آچیقلامادا،
"بو آن ایران ایله سرحدده وضعیت ثابت و آذربایجان سرحد گؤزتچیلرینین تام کنترلو آلتیندادیر. سرحدده دؤولتیمیزین منفعتلرینه قارشی هر جور تخریباتین قرارلیلیقلا انگللنمهسینه داوام ائدیلهجک. ایرانلی مقاملاری داها سوروملو اولماغا، یانلیش و یا قارالاییجی بیلگی یایماقدان قاچینماغا چاغیریریق" گؤروشو دیله گتیریلدی.
ایران سرحد گؤزتچیلری باشچیسی گودرزی، ایران تلویزیونونا وئردیگی آچیقلامادا، ایسرائیلین ایرانی گؤزتلهمک اوچون آذربایجانا استخبارات آژانلاری و عسگری پرسنل گؤندردیگینی ادعا ائتمیشدی.