آذربایجان-دا "کووید-19"دان اؤلوم و یولوخما سایی (3 اوکتبر2021)

آذربایجان-دا یئنی نوع کوروناویروس (کووید-19) انفکسیونونا سون گونده 712 یولوخما فاکتی قئیده آلینیب، 1813 نفر معالیجه اولونا‌راق ساغالیب.

ناظیرلر کابینه‌سی یانیندا اوپراتیو قرارگاهدان وئریلن معلوماتا گؤره، آنالیز نمونه‌لری مثبت چیخان 14 نفر وفات ائدیب.

ایندییه‌دک اؤلکه‌ده عمومی‌لیکده 485 مین 987 نفرین کوروناویروس انفکسیونونا یولوخماسی فاکتی معین ائدیلیب، اونلاردان 464 مین 611 نفر معالیجه اولونا‌راق ساغالیب، 6 مین 573 نفر وفات ائدیب. آکتیو خسته سایی 14 مین 803 نفردیر.

سون گونده یئنی یولوخما حال‌لاری‌نین معینلشدیریلمه‌سی ایله علاقه‌دار 8 مین 760، بو گونه قدر ایسه عمومی‌لیکده 4 میلیون 887 مین 165 تست ایجرا اولونوب.

اوکتبرین 3-ده آذربایجان-دا 52 مین 949 نفر یئنی نوع کوروناویروس انفکسیونو علیهینه واکسیناسیون اولونوب.

گون عرضینده بیرینجی مرحله اوزره واکسیناسیون اولونان‌لارین سایی 14 مین 6، ایکینجی مرحله اوزره واکسیناسیون  اولونان‌لارین سایی 38 مین 943 نفر تشکیل ائدیب.

آذربایجان-دا بو گونه قدر وورولان واکسن‌لرین عمومی سایی 8 میلیون 736 مین 939، بیرینجی مرحله اوزره آشی اولونان‌لارین عمومی سایی 4 میلیون 808 مین 142، ایکینجی مرحله اوزره واکسیناسیون ائدیلن‌لرین سایی 3 میلیون 928 مین 797 نفر تشکیل ائدیر.