ایران، آذربایجان جمهوریتی سرحدینده مانورا حاضرلانیر
مانور قرارینین، آذربایجان جمهورباشقانی ایلهام علییئوین ایرانین داها اول سرحدده تشکیل ائتدیگی مانورلارا گؤستردیگی تپکینین آردیندان گلمهسی دقت چکدی
ایران، آذربایجان سرحدینده عسگری مانور ائتمهیه حاضرلانیر.
ایران دؤولت تلویزیونونا گؤره، قورو گوجلری باشچیسی کیومرث حیدری، یارین ائدیلمهسی پلانلانان مانورا باغلی دانیشدی.
آذربایجان سرحدینده ائدیلهجک مانورا "خیبر فاتحلری" آدینین وئریلدیگینی بیلدیرن حیدری،
"خیبر فاتحلری مانورو، یارین قوزئی باتی (آذربایجان) بؤلگهسینده زرهلی و توپچو بیرلیکلری، اینسانسیز هاوا آراجلاری (ایها)، الکترونیک ساواش بیریملری و هلیکوپتر آتیشی دستگی ایله باشلایاجاق" دئدی.
اؤته یاندان اؤلکه مئدیاسیندا، مانور بؤلگهسینه یوزلرجه زرهلی ماشین و مینلرجه عسگرین قونوشلاندیریلدیغینا دایر گؤرونتولره یئر وئریلدی.
مانور قرارینین، آذربایجان جمهورباشقانی ایلهام علییئوین ایرانین داها اول سرحدده تشکیل ائتدیگی مانورلارا گؤستردیگی تپکینین آردیندان گلمهسی دقت چکدی.
علییئو، ۲۷ سپتامبردا ۲.جی قاراباغ ساواشینین ۱.جی ایلینده، ایرانا عاید تریلیلرین یاسا دیشی شکیلده ایشغالدان قورتاریلان قاراباغ بؤلگهسینه گؤندریلدیگینی ایفاده ائتمیشدی.
آذربایجانین، ایشغالدان قورتاریلان بؤلگهیه گؤندریلهن ایران تریلیلرینی کنترل ائتمهیه باشلاماسیندان سونرا ایرانین آذربایجان سرحدینده مانورلارا باشلادیغینا دقت چکهن علییئو،
"ایلک اولاراق سؤیلهمهلییهم کی هر اؤلکه اؤز تورپاقلاریندا ایستدیگی عسگری مانورو ائدهبیلر. بو اونون اگمنلیک حاقی. بونا کیمسه سؤز سؤیلهیهبیلمز. آنجاق بونو بیر زامان کسیتینده آنالیز ائتدیگیمیزده بونون هئچ بیر زامان اولمادیغینی گؤروروک. نیه ایندی و نیه بیزیم سرحدیمیزده؟" ایفادهلرینی ایشلتمیشدی.