پروفسور سانجارا، اؤزبکیستاندا فخری دکترا عنوانی وئریلدی
نوبل اؤدولو صاحبی پروفسور دکتر عزیز سانجار، اؤزبکیستانین تاریخی سمرقند شهرینده، دعوتلی اولاراق گئتدیگی ایپک یولو اونیوئرسیتهسینی گزدی
نوبل اؤدولو صاحبی، پروفسور دکتر عزیز سانجارا، اؤزبکیستان ایپک یولو اولوسلارآراسی توریزم اونیوئرسیتهسی طرفیندن فخری دکترا عنوانی وئریلدی.
پروفسور دکتر عزیز سانجار، اؤزبکیستانین تاریخی سمرقند شهرینده، دعوتلی اولاراق گئتدیگی اونیوئرسیتهنی گزدی، اؤیرنجیلر و خوجالارلا گؤروشدو.
گؤروشمهده عینی زاماندا اؤزبکیستان باشباخان یاردیمچیسی و توریزم و ایدمان باخانی اولان اونیوئرسیته رئیسی عزیز عبدوحکیموو، نوبئل اؤدولو بیلیم انسانی سانجارین اونیوئرسیتهیه گلمهسیندن دولایی موتلولوغونو ایفاده ائتدی. عبدوحکیموو، اونیوئرسیتهنین بیلیم قورولونون سانجارا فخری دکترا عنوانی وئرمهیه قرار وئردیگینی بیلدیردی.
داها سونرا عبدوحکیموو سانجارا فخری دکترا عنوانینی تقدیم ائتدی.
"تورک دونیاسیندا علمی و ملی قالخینما" قونولو بیر چیخیش ائدن سانجار داها سونرا اؤیرنجیلرین سواللارینی جاوابلاندیردی.
اونیوئرسیتهنین شرف دفترینی ایمضالایان سانجار، اؤزبک اؤیرنجیلر و خوجالار ایله خاطره فوتوگرافی چکدیردی.
سانجار، ۲۰۱۸.جی ایلین اکتبر آییندا گئتدیگی اؤزبکیستانین مختلف اونیوئرسیتهلری طرفیندن فخری دکترا عنوانینا لاییق گؤرولموشدو.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک