آذربایجان، ارمنیستانی عدالت دیوانینا شکایت ائده‌جک
لیلا عبدالله‌یئوا، ارمنیستانین یارغیلانماسی اوچون یاخین گونلرده اولوسلارآراسی عدالت دیوانینا مراجعت ائده‌جکلرینی ایفاده ائتدی
آذربایجان خاریجی ایشلر باخانلیغی سؤزچوسو لیلا عبدالله‌یئوا، "هر جور عیرق آیریمچیلیغینین تصفیه ائدیلمه‌سینه دایر اولوسلارآراسی سؤزلشمه"نی پوزدوغو سببیله اولوسلارآراسی عدالت دیوانین‌دا ارمنیستانی شکایت ائده‌جکلرینی ایفاده ائتدی.
عبدالله‌یئوا، وئردیگی یازی‌لی آچیقلامادا، آذربایجانین ژانویه ۲۰۲۱ده آوروپا انسان حاقلاری محکمه‌سین‌ده ارمنیستان علیه‌ینه آچدیغی شکایته علاوه اولاراق ارمنیستانین یارغیلانماسی اوچون یاخین گونلرده اولوسلارآراسی عدالت دیوانینا مراجعت ائده‌جکلرینی ایفاده ائتدی.
آذربایجان تورپاقلارینین بیر قیسیمینین ارمنیستان طرفیندن یاسادیشی ایشغالینین سونا چاتماسین‌دان سونرا آذربایجان‌لیلارا قارشی آغیر انسان حاقلاری پوزونتولارینین سندلشدیریلدیگینی بیلدیره‌ن عبدالله‌یئوا، بونلارا ارمنیستانین ائتنیک منشأ‌لری سببی ایله آذربایجان‌لیلاری زورلا یوردلارین‌دان ائتمه‌سی، ایشگه‌نجه ائتمه‌سی، اؤلدورمه‌سی و پیس رفتار حادثه‌لرینین داخیل اولدوغونو قید ائتدی.
عبدالله‌یئوا، ارمنیستانین سالدیرقانلیغی نتیجه‌سینده ۱ میلیون‌دان چوخ آذربایجانلی‌نین زورلا ائولرین‌دن چیخاریلدیغینی، آذربایجان شهرلرینین یئر اوزون‌دن تامامیله سیلیندیگینی خاطیرلاتدیغی آچیقلامادا بو ایفاده‌لره یئر وئردی:
"(۱۰ نوامبر ۲۰۲۰ده روسیا، آذربایجان و ارمنیستان دؤولت باشقانلارینین ایمضالادیغی) اوچلو بیلدیرینین آردین‌دان ارمنیستان، آذربایجان‌لیلارین ائولرینه دؤنمه‌سینی انگلله‌مک اوچون بیر زامانلار ایشغال آلتین‌دا توتدوغو بؤلگه‌لره مین دؤشه‌یه‌رک و مین خریطه‌لرینی وئرمه‌یی رد ائد‌رک 'هر جور عیرق آیریمچیلیغینین تصفیه ائدیلمه‌سینه دایر اولوسلارآراسی سؤزلشمه‌سینی پوزماغا داوام ائتدی. بیز، سؤزلشمه‌نین حؤکملرینین آغیر پوزونتوسونا باغلی اولوسلارآراسی حقوق چرچیوه‌سین‌ده عدالتی تامین ائدجییک".
دیگر طرف‌دن، اولوسلارآراسی عدالت دیوانی، ارمنیستانین، آذربایجان علیه‌ینه "هر جور عیرق آیریمچیلیغینین تصفیه ائدیلمه‌سینه دایر اولوسلارآراسی سؤزلشمه‌سینی" پوزونتوسو سببیله شکایت ائتدیگینی آچیقلادی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
