آذربایجان، ایشغالدان قورتاردیغی بؤلگه‌لرده مین تارلالارینی تمیزله‌ییر

آذربایجان، تورکیه‌نین دستگی ایله فضولی، جبراییل، آغدام، کلبجر، خوجاوند کیمی شهرلرین و اطراف بؤلگه‌لرین مینلردن تمیزلنمه‌سی و شهرلرده حیاتین تهلوکه‌سیز شکیل‌ده یئنی‌دن باشلاماسینی تامین ائتمک اوچون چالیشیر

1700882
آذربایجان، ایشغالدان قورتاردیغی بؤلگه‌لرده مین تارلالارینی تمیزله‌ییر

آذربایجانین ارمنیستانین ایشغالین‌دان قورتاریلان شهرلرین‌ده مین تمیزلیگی ائدیلیر.

داغلیق قاراباغ بؤلگه‌سینده و اطراف ایالتلرده گئچمیشده "مین تارلالارینا" چئوریله‌ن اراضیلر متخصص قروپلارین تخمیناً ۱۰ آیدیر داوام ائدن چالیشمالاری ایله پاتلاییجیلاردان آریندیریلیر. آذربایجان حکومتی، تورکیه‌نین دستگی ایله فضولی، جبراییل، آغدام، کلبجر، خوجاوند کیمی شهرلرین و اطراف بؤلگه‌لرین مینلردن تمیزلنمه‌سی و شهرلرده حیاتین تهلوکه‌سیز شکیل‌ده یئنی‌دن باشلاماسینی تامین ائتمک اوچون چالیشیر.

مین تمیزله‌مه ایشلری ایله باغلی  دانیشان آذربایجان اولوسال مین تمیزله‌مه‌ آژانسی مین تمیزله‌مه‌ متخصصلرین‌دن بیری اولان ناطق اسدوو، جبراییل-فضولی یولونون مینلردن تمیزله‌نمه‌سی ایشلرینی یئریتدیکلرینی آناتدی.

اسدوو، سؤزو گئدن یول‌دا اوچ بؤلوم حالیندا مین تمیزلدیکلرینی ایفاده ائد‌رک،

"جبراییل-فضولی یولونون اوزونلوغو ۱۲ کیلومتردیر. اوچ بؤلومدن اولوشان ساحه‌ده ایلک بؤلوم تمیزلندی، بورایا آسفالت تؤکولور. حاضردا اولدوغوموز ایکینجی بؤلوم ۳۱۶ مین مربع، یونون ۲۸۹ مین مربع متری تمیزلندی. اراضیده ۱۷۴ عدد پاتلامامیش مرمی، بومبا و مین کیمی مهماتلاری امحاء ائتدیک.

۳۹۰ مین مربع مترلیک اراضیدن اولوشان اوچونجو بؤلومون ده  یوزده ۸۰ی مینلردن تمیزله‌ندی. ۷ گون عرضین‌ده ۱۲ کیلومترلیک اراضینین هامیسی تمیزلنه‌جک" دئدی.

 

 

 

 



ایلگیلی‌لی خبرلر