آذربایجان: ارمنستان آتیشکسی پوزور
"ارمنستان طرفی، علاوه اولاراق تانکلار و ۱۲۰ میلیمترلیک توپلاری قوللاناراق وضعیتی پیسلشدیرمهیه و مؤوضعلریمیزه آتیش ائتمهیه داوام ائدیر"
آذربایجان ساوونما باخانلیغی، اؤلکهسینین، ارمنستان سرحدینده روس طرفینین ائتدیگی آتیشکس چاغیریشینی قبول ائتدیگینی آنجاق ارمنستانین بونا اویمایاراق سالدیریلارینی داوام ائتدیردیگینی بیلدیردی.
باخانلیقدان وئریلن آچیقلامادا، آذربایجانین روس طرفیندن یئرلی ساعاتلا ۱۰.۰۰دا آتیشکس اویقولانماسینا دایر چاغرینی قبول ائتدیگی ایفاده ائدیلدی.
سؤز قونوسو چاغرییا باخمایاراق ارمنستانین آذربایجان مؤوضعلرینه قارشی سالدیریلارینی داوام ائتدیردیگی معلوماتینا یئر وئریلهن آچیقلامادا،
"ارمنستان طرفی، علاوه اولاراق تانکلار و ۱۲۰ میلیمترلیک توپلاری قوللاناراق وضعیتی پیسلشدیرمهیه و مؤوضعلریمیزه آتیش ائتمهیه داوام ائدیر" ایفادهسی ایشلهدیلدی.
باخانلیغین دیگر آچیقلاماسیندا ایسه آذربایجان اوردوسونون، ارمنستانا عاید سلاحلی گوجلرین بو گئجه کلبجر ایستیقامتینده باشلاتدیغی تحریک ائدیجی آددیملارا دایر آتدیغی تدبیر آددیملارینین سوردوگو قید ائدیلدی.
ارمنستانین سالدیری نؤقطهلرینین ائتکیسیز حالا گتیریلمهسی اوچون لازیم اولان آددیملارین دا آتیلدیغی معلوماتینا یئر وئریلهن آچیقلامادا،
"ارمنستانین عسگری و سیاسی رهبرلیگینی، ایکی اؤلکهنین دؤولت سرحدیندهکی وضعیتی قصدلی اولاراق پیسلشدیرمکدن قاچینماغا و دؤولت سرحدلرینین مدنی شکیلده تعیین اولونماسی قونوسوندا مذاکرهلره باشلاماغا چاغیریریق" ایفادهسی ایشلهدیلدی.
آچیقلامادا، ارمنستانداکی نظامی اولمایان بؤلگهلره ضرر وئریلدیگی ادعاسییلا باغلی خبرلرین ده اساسسیز و تامامیله یانیلدیجی اولدوغو وورغولانارکن، سرحد بویونجا آرتان گرگینلیین بوتون مسئولیتینین ارمنستاندا اولدوغو ایفاده ائدیلدی.
آذربایجان ساوونما باخانلیغی، بو سحر یاییملادیغی آچیقلامادا، ارمنستان عسگرلرینین ایکی اؤلکه سرحدینین کلبجر ایستیقامتیندهکی آذربایجان مؤوزضلرینه ائتدیگی آتیش نتیجهسینده ۲ آذربایجان عسگرینین یارالاندیغینی بیلدیرمیشدی.
ارمنستان ساوونما باخانلیغی ایسه یاشانان قارشیدورمالار سببیله ۳ عسگرینین اؤلدورولدویونو، ۲ عسگرینین ایسه یارالاندیغینی ادعا ائتمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی