آک پارتی هیئتی آذربایجاندا
قورتولموش، آذربایجان جمهورباشقانی ایلهام علییئوین دوروشو و خالقین جسارتی سببی ایله اوزون ایللر سورهن ایشغالین سونلاندیریلدیغینا دقت چکهرک، ساواشدا شهید اولانلارا رحمت دیلهدی
عدالت و قالخینما پارتیسی (آک پارتی) باشقانوکیلی نومان قورتولموش باشقانلیغینداکی آک پارتی هئیتی، گئتدیکلری آذربایجاندا شهیدلیکلری زیارت ائتدی.
نومان قورتولموش و برابریندهکی هئیت، اؤنجه مرحوم جمهورباشقانی حیدار علییئوین مزارینی زیارت ائتدی.
مزارا چلنگ بوراخان قورتولموش، آردیندان ۲۰ ژانویه شهیدلرینین دفن ائدیلدیگی باکی شهیدلر خیابانینا و قافقاز ایسلام اوردوسو شهیدلرینین تمثیلی مزارلارینین یئر آلدیغی باکی تورک شهیدلیگینی زیارت ائتدی. شهیدلیک آنیدلارینا چلنگ بوراخان قورتولموش، باکی تورک شهیدلیگی آنید دفترینی ایمضالادی.
قورتولموش، شهیدلیک زیارتلری سونراسیندا مطبوعات منسوبلارینا وئردیگی آچیقلامادا، آک پارتی ایله یئنی آذربایجان پارتیسی آراسینداکی ایلیشکیلری تایید ائتمک و داها دا گوجلهندیرمک اوچون آذربایجانا گئتدیکلرینی سؤیلهدی.
تورکیه ایله آذربایجان آراسیندا مکمل ایلیشکیلرین داوام ائتدیگینی وورغولایان قورتولموش، (ارمنستانین آذربایجان تورپاقلارینی ایشغالینا قارشی) ۴۴ گون داوام ائدن شانلی مبارزهده تورکیه خالقینین بوتون گوجویله آذربایجانین یانیندا یئر آلدیغینی، جمهورباشقانی رجب طیب اردوغانین ایلک آندان اعتباراً آذربایجانین قاراباغداکی ایشغالی سونلاندیرماسی اوچون وئردیی مبارزهیه دستک اولدوغونو دیله گتیردی.
قورتولموش، آذربایجان جمهورباشقانی ایلهام علییئوین دوروشو و خالقین جسارتی سببی ایله اوزون ایللر سورهن ایشغالین سونلاندیریلدیغینا دقت چکهرک، ساواشدا شهید اولانلارا رحمت دیلهدی.