اؤزبکیستان‌دا جمهورباشقانلیغی سئچیمی

اؤزبکیستان‌دا جمهورباشقانلیغی سئچیمی اوچون ۲۴ اکتبردا صاندیق باشینا گئدیله‌جک.

اؤزبکیستان مرکز سئچیم کمیسیونو باشقانی ساین‌الدین نظام‌خوجایئو، تشکیل ائتدیگی مطبوعات کنفرانسیندا، کمیسیونون، اؤلکه‌ده‌کی جمهورباشقانلیغی سئچیمینین ۲۴ اکتبردا ائدیلمه‌سینی قرارلاشدیردیغینی ایفاده ائتدی.

نظام‌خوجایئو، سئچیم کامپانیاسینین دا بو گون‌دن اعتباراً باشلادیغینی قید ائتدی.

اؤزبکیستان پارلمانینین اوست قانادی اولان سنا باش قورولو، فوریه‌ده، جمهورباشقانلیغی سئچیمینین دئکابردان اکتبر آیینا آلینماسینی حاضرلایان قانون دییشیکلیگینی اونایلامیشدی. یئنی دوزنله‌مه‌یه گؤره، داها اؤنجه دسامبر آیینین ۲۰سین‌دن سونراکی ایلک بازار گونو ائدیلمه‌سی نظرده توتولان جمهورباشقانلیغی سئچیمینین، اکتبر آیینین ۲۰سین‌دن سونراکی ایلک بازار گرچکلشدیریلمه‌سی معین اولونموشدو.

جمهورباشقانینین ۵ ایللیگینه سئچیلدیگی اؤلکه‌ده سون جمهورباشقانلیغی سئچیمی دسامبر ۲۰۱۶دا گرچکلشدیریلیرکه‌ن، بو سئچیمی ۳ رقیبی قارشیسین‌دا سئچیجیلرین یوزده ۸۸،۶۱ینین اویونو آلان شؤوکت میرضیایئو قازانمیشدی.