تبریز و اورمیه‌ده تورک آکتیویستلره گؤزآلتی

آذربایجانلی ۵ آکتیویست رحیم ساسانیان، یاشار پیری، سعدالله ساسانیان، محسن عباس‌پور و محمد پورعلی‌نین، دونن گئجه ساعاتلاریندا تبریزه ۲۰ کیلومتر مسافه‌ده یئر آلان خوجا شهرینده گؤزآلتینا آلیندیغی، بو گون (مرداد آیینین بیری) سحر چاغی سربست بوراخیلدیغی بیلدیریلیر.
یئرلی اینترنت سایتلارینین بو آکتیویستلرین یاخینلارینا دایاندیردیغی خبرلره گؤره، گؤزآلتی سیراسیندا گؤزآلتی حکمی اولماماسی سببی ایله آکتیویستلر ایله امنیت گوجلری آراسیندا ایتیشمه‌لر اولدوغو ایفاده ائدیلیر.
تورک آکتیویستلر سربست قالدیقدان سونرا، ندن گؤزآلتینا آلیندیقلاری ایله باغلی بیر بیلگیلرینین اولمادیغینی دیله گتیردیلر. 
بو آرادا، آکتیویست امیر ستاری رئوفون دا تبریزده گؤزآلتینا آلیندیغی گلن خبرلر آراسیندا.
گئچن گون آیریجا، تبریزده گؤزآلتینا آلینان شاهین برزگرین یانی سیرا، اکبر قلی‌زاده و رضا جعفرلونون دا اورمیه ده گؤزآلتینا آلیندیغی و بیلینمه‌ یئرلرده ساخلاندیلدیغی بیلدیریلمیشدی.