"بیر میلیارد دلارلیق تجارت حجمینه چاتماغی اومود ائدیریک"

خاریجی ایشلر باخان کؤمکچی‌سی یاووز سلیم قیران قیرقیزیستان ایله بیر میلیارد دلارلیق تجارت حجمینه چاتماغی و بونو آشماغی اومود ائتدیکلرینی قید ائتدی.

قیران و قیرقیزیستانین آنکارا ائلچیسی کوبانیچ‌بک عؤمورعلییئوین ایشتیراکییلا خاریجی ایشلر باخانلیغینین سونا چوک‌گور ایلیجاک صنعت گالریسین‌ده، قیرقیزیستان جمهوریتینین مستقیللیگینین ۳۰.جو ایلی سببی ایله فوتوگراف سرگی‌سی تشکیل ائدیلدی.

بورادا دانیشان قیران، تورکیه و قیرقیزیستانین دیپلوماتیک ایلیشکی‌لرینین ۳۰.جو ایلینی قوتلادیغینی سؤیله‌دی

یاووز سلیم قیران، تورکیه ایله قیرقیزیستان آراسین‌داکی آنلاشمالارین حیاتا گئچیریلمه‌سی قونوسون‌دا قرارلی اولدوقلارینی ایفاده ائد‌رک،

"مشترک آددیملارلا انشاالله ان قیسا مدت‌ده قیرقیزیستان ایله بیر میلیارد دلارلیق تجارت حجمی هدفینه ده چاتماغی و بونو آشماغی بیرلیک‌ده اومود ائدیریک" دئدی.

سرگییه، دیپلوماتیک میسیون نماینده‌لری و چوخ سایدا قوناق قاتیلدی.