اورمیهده الکتریک کسینتیلری گوندهلیک حیاتی چتینلشدیریر
الکتریک کسیلمهسیندن ان چوخ تأثیرلنهن شهرلردن بیری اولان اورمیهده گونده ۵-۶ ساعات الکتریک وئریلهمیر
باتی آذربایجان ویلایتینین مرکزی اورمیهده الکتریک کسیلمهسی گوندهلیک حیاتی چتینلشدیریر.
ایراندا آرتان هاوا ایستیلبگی سببی ایله الکتریک کسیلمهسیندن ان چوخ تأثیرلنهن شهرلردن بیری اولان اورمیهده گونده ۵-۶ ساعات الکتریک وئریلهمیر. الکتریک کسیلمهسینین تئز تئز باش وئردیگی شهرده ترافیک ایشیقلارینین ایشلهمهمهسی و یول پلیسینین ترافیک آخیشینی کنترل ائتمهمهسی سببی ایله بیر چوخ مرکزی نقطهده ترافیک سورونو یاشانیر.
اورمیه اصنافی دا الکتریک انرژیسینین تئز تئز کسیلمهسیندن شیکایتچیدیرلر.
ایران الکتریک ادارهسی، اؤلکهده گوندهلیک الکتریک اورهتیمینین ۵۴ مین مگاوات اولدوغونو، یای ایستیلیگی سببیله مصرفین ۶۵.۰۰۰ مگاواتا چاتدیغینی آچیقلادی. آچیقلامادا، اورهتیم و توکهتیم آراسینداکی فرقی آرادان قالدیرماق اوچون کسینتیلرین مجبوری اولدوغو ایفاده ائدیلدی.
ایراندا آرتان کریپتو پول اورهتیمینین الکتریکدهکی پروبلئملره ده سبب اولدوغو بیلدیریلیر. بو سببله حکومت سپتامبر آیینا قدر کریپتو پوللارین اورهتیمینی قاداغان ائتدی و ایندیه دک ۱۹۶ مین ۲۳۳ اجازهسیز کریپتو پول جهازنا ال قویدو.
عراقا الکتریک صادر ائدن ایراندا، خالق، مسئوللاردان الکتریک کسینتیلرینه حل یوللاری تاپماغی ایسترکن، حکومت مقاملاری ایسه خالقی مصرفی آزالتماغا و "اصراف" ائتمهمهیه چاغیریر. دیگر طرفدن، ایراندا الکتریک کسیلمهسینه اؤلکهنین بعضی شهرلرینده اعتراض ائدیلدی. باشکند تهرانین گونئییندهکی الکتریک ادارهسینین قارشیسیندا توپلاشان بیر قروپ، یول و شهرچیلیک باخانی محمد اسلامینین استعفاسینی طلب ائتدی. سوسیال مئدیادا پایلاشیلان گؤرونتولرده، تهرانین سعد آباد بؤلگهسینده اؤلکهنین لیدئری علی خامنهای و رژیمه قارشی شعارلارین سسلندیریلدیگی گؤرولدو.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی