آذربایجان، ۱۵ ارمنستان وطنداشینی قایتاردی
۹۲ مین مینین خریطهلری قارشیلیغیندا، گؤزآلتیندا اولان ۱۵ نفر ارمنستانا قایتاریلدی
1669714
آذربایجان خاریجی ایشلر باخانلیغی، ۹۲ مین مینین خریطهلری قارشیلیغیندا اؤلکهده گؤزآلتیندا اولان ۱۵ نفرین، ارمنستانا قایتاریلدیغینی بیلدیردی.
باخانلیقدان وئریلن آچیقلامادا، ارمنستانین بیر زامانلار ایشغالی آلتیندا توتدوغو فضولی و زنگیلان ائللرینده دؤشدیگی ۹۲ مین آنتی تانک و آنتی پرسنل مینین خریطهلرینی، آذربایجانا تسلیم ائتدیگی بیلدیریلدی.
آذربایجان طرفینین ده اؤلکهده گؤزآلتیندا اولان ۱۵ ارمنستان وطنداشینی قایتاردیغی ایفاده ائدیلدی.
قایتارما ایشینین، روسیانین گیریشیمی ایله گرچکلشدیگی قید ائدیلدی.
آذربایجان داها اؤنجه ده آغدام ائلینده دؤشهنیلهن ۹۷ مین مینین خریطهلری قارشیلیغیندا ۱۵ نفری ارمنستانا قایتارمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک