آنکارادا "آذربایجان ائوی" آچیلدی

تورکیه - آذربایجان دوستلوق، امکداش‌لیق و دایانیشما وقفی بنیه‌سین‌ده باشکند آنکارادا آذربایجان ائوی آچیلدی.. 

مراسیم‌ده دانیشان یوردددیشی تورکلر و اقربا توپلولوقلاری باش ایداره‌سی باشقانی عبدالله ارن، بو ائوین آنکارادا آچیلمیش اولماسینین تورکیه-آذربایجان ایلیشکیلرینین هان‌ی نقطه‌یه گلدیینین ان گؤزل نومونه‌سی اولدوغونو سؤیله‌دی. 

آذربایجان جمهوریتی دیاسپور کمیته‌سی باشقانی فواد مورادووون رهبرلیک ائتدیگی نماینده هئیتینین تورکیه‌یه سفری چرچیوه‌سین‌ده آنکارادا فعالیت گؤستره‌جک اولان آذربایجان ائوینین و شوشا کنفرانس مرکزینین آچیلیشی گرچکلشدی.
آچیلیشدا  دیاسپور کمیته‌سینین باشقانی فواد مورادوو، تورکیه‌نین یوردددیشی تورکلر و اقربا توپلولوقلاری باش ایداره‌سی باشقانی عبدالله ارن و تورکیه بؤیوک میلت مجلسینین تورکیه-آذربایجان پارلمانلارآراسی دوستلوق قروپو باشقانی شامیل آیریم، حیدر علییئوین آذربایجانین آنکاراداکی ائلچیلیگین‌ده‌کی بوستونه چلنک قویدو.
سونرا تورکیه و آذربایجان نماینده هئیتلرینین ایشتیراکی ایله آذربایجان ائوینین و شوشا کونفرانس مرکزینین آچیلیش مراسمی گئچیریلدی.

آذربایجان ائوی آچیلیش مراسیمین‌دن سونرا دانیشان آذربایجان دیاسپور کمیته‌سی باشقانی مورادوو، آذربایجان ائوینین قاپیلارینین هر بیر تورک اوچون آچیق اولدوغونو ایفاده ائد‌رک، "چونکو بیز عینی دؤولت، عینی میلت، عینی مدنیتیک" ایفاده‌سینی ایشلتدی.