ارسین تاتار: "برابرلیگیمیزین قبولو ایله آنجاق رسمی موذاکیرهلره باشلانا بیلر"
قوزیی قیبریس تورک جمهوریتی پرزیدنتی ارسین تاتار بلژیک-ین پایتاختی بروکسل-ده بمت-نین باش کاتیبی آنتونیو گوترش ایله گؤروشهجک.
قوزیی قیبریس تورک جمهوریتی پرزیدنتی ارسین تاتار بلژیک-ین پایتاختی بروکسل-ده بمت-نین باش کاتیبی آنتونیو گوترش ایله گؤروشهجک.
"برابرلیگیمیزین قبولو اگمن برابرلیک اساسیندا و اولوسلار آراسی برابرلیک ایستاتوسونون تامین ائدیلمهسی ایله یالنیز (قیبریس-دا) رسمی دانیشیقلارا باشلانا و سونرا واجیب مسئلهلر موذاکیره ائدیله بیلر".
بونو قوزیی قیبریس تورک جمهوریتی پرزیدنتی ارسین تاتار بلژیک-ین پایتاختی بروکسل-ده بیرلشمیش میللتلر تشکیلاتینین (بمت) باش کاتیبی آنتونیو گوترش ایله گؤروشمک اوچون اؤلکهسیندن آیریلارکن وئردیگی آچیقلامادا دئییب.
تاتار گوترش ایله صاباح سحر گؤروشهجکلرینی قئید ائدهرک دئییب کی، قیبریس-دا برابرلیک اساسیندا بیر راضیلاشما اولا بیلمهسی اوچون برابرلیگیمیزی قوروماق اوچون جدی موباریزه آپاریریق. بمت-نین باشچیلیغیندا 27-29 آوریل تاریخلرینده ژنوده کئچیریلن غیری-رسمی قیبریس کنفرانسیندا ایرهلی سوردوگوم 6 مادهلیک تکلیفین ایلک مادهسی قیبریس تورک خالقینین اگمن برابرلیگینین قبول ائدیلمهسی و اولوسلار آراسی برابرلیک ایستاتوسونون تامین اولونماسیدیر.
پرزیدنت سئچیلمهدن اول و سونرا "قیبریس-دا برابرلیگین تامین ائدیلمهسی حالیندا رسمی دانیشیقلارا باشلایا بیلهجکلری" مئساژینی وئردیگینی وورغولایان تاتار بو سیاستین حیاتا کئچیریلمهسینده تورکیه-نین ده هرطرفلی دستکینه صاحیب اولدوقلارینی قئید ائدیب.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک