لاوروو: قاراباغین ایستاتوسو مسئلهسی هلهلیک گوندمه گلمهمهلی
"بیر نئچه ایل سونرا ایستاتوس ایله باغلی پروبلئملر داها راحات حل ائدیلهجک"
روسیا خاریجی ایشلر باخانی سرگی لاوروو، داغلیق قاراباغ ایستاتوسو مسئلهسینین آوروپا تهلوکهسیزلیک و امکداشلیق تشکیلاتی مینسک قروپونون (آمریکا بیرلشمیش دؤولتلری، فرانسا و روسیادان ائش باشقانلارا علاوه اولاراق، تورکیه، بلاروس، آلمانیا، ایتالیا، پرتغال، هلند، سوئد، فنلاند و پروبلئمین طرفلری اولان آذربایجان و ارمنستان) ایشتیراکییلا نتیجهلندیریلهجگینی ایفاده ائتدی.
سرگی لاوروو، قاتیلدیغی پریماکوو اوخومالاری اولوسلارآراسی فوروموندا گونجل قونولارلا باغلی دانیشدی.
داغلیق قاراباغ ایستاتوسو ایله ایلگیلی پروبلئمین هله حل ائدیلمهدیگینه دقت چکن لاوروو،
"بو، آگیت مینسک قروپو ائش باشقانلارینین ایشتیراکییلا نتیجهلهندیریلهجک. ائش باشقانلار، بو مرحلهده ایستاتوس پروبلئمینی گوندمه گتیرمهمهلی، گوون ایله باغلی تدبیرلرین گوجلندیریلمهسی، انسانی پروبلئملرین حلی، ارمنیلر ایله آذربایجانلیلارین یان-یانا گلمهلری، بیرلیکده گووهن ایچینده، اقتصادی اولاراق استقرارلی بیر شکیلده یاشامالارینی تامین ائتمهلیدیر. بیر نئچه ایل سونرا ایستاتوس ایله باغلی پروبلئملر داها راحات حل ائدیلهجک" دئدی.
تورک-روس آتیشکسی ایزلهمه مرکزینین داغلیق قاراباغداکی فعالیتلرینی داوام ائتدیردیگینه دقت چکن لاوروو، بونون چوخ فایدالی و ثابتلیک تامین ائدیجی بیر عنصور اولدوغونو وورغولادی.