تورکای، محکمه قراری ایله آدینا قوووشدو

تبریز ثبت احوال اداره‌سی، محکمه قراری ایله آذربایجانلی کؤرپه‌یه تورکای آدی ایله کیملیک وئرمک مجبوریتینده قالدی.
آذربایجانلی والدینین شیکایتی اۆزرینه تبریز شهر محکمه‌سی، بیر کؤرپه‌یه تورکای آدی ایله کیملیک وئریلمه‌سی قونوسوندا قرار چیخاردی.
وکیل سینا یوسفی تویتئر صحیفه‌سین‌ده، ثبت احوالین بیر کؤرپه‌یه تورکای آدی ایله کیملیک وئرمه‌لی اولدوغونا دایر تبریز حقوق محکمه‌سینین چیخاردیغی قراری پایلاشدی.
قراردا، "ثبت احوالین، آذربایجان‌لی کؤرپه‌نین آتا - آناسینین اونا سئچدیگی تورکای آدی ایله کیملیک وئرمه‌سینده پروبلئم یوخدور" دئییلدی.
تبریز ثبت احوال اداره‌سی یئنی دوغولان کؤرپه‌یه تورکجه اولدوغو اوچون تورکای آدیلا کیملیک وئرمه‌میشدی.
تورکایین آتا - آناسی بونونلا باغلی محکمه‌یه باش‌ووروب، ۵ آیدان سونرا  یارغی قراری ایله اوشاقلارینا تورکجه آد وئرمه حاقی قازانمیش اولدولار.
وکیل سینا یوسفی آیریجا، "تۆرک‌آی"ین یانی سیرا، "آتاکان"ین دا دؤرد ایلدیر کیملیک آلابیمه‌دیگینی یازدی.
بیرلشمیش میلتلر اوشاق حاقلاری سؤزلشمه‌سی‌نین ۷.جی بندینه گؤره،
"اوشاغین دوغومو، دوغومدان همن سونرا ثبت ائدیلیر و هر اوشاق بیر آدینین اولماسی، تابعیت و والدین حمایه‌سی کیمی حاقلارا صاحبدیر". ‎