اوغوزا کیملیک وئریلمیر

آذربایجان‌لی کؤرپه اوغوزا کیملیک وئریلمیر.
اوغوزون آتاسی سئچدیکلری آد تورکجه اولدوغو اوچون اوغلونا کیملیک آلابیلمه‌دیگینی یازدی. 
حسین امانی نادارلی سوسیال مئدیا حسابیندان بونونلا باغلی،
"بو گون تبریز ثبت احوالینا گئتدیم اوغوز بالاما کیملیک آلام. دئدیلر بو آد بیزیم سیستمده یوخدور" دئیه یازدی.
داها اؤنجه بنزر سورون ایله قارشیلاشان تورک عایله‌لر، گیریشیملری سونوجو اوشاقلارینا کیملیک آلماغی باشارمیشدیلار.
بیرلشمیش میلتلر اوشاق حاقلاری سؤزلشمه‌سی‌نین ۷.جی بندینه گؤره،
"اوشاغین دوغومو، دوغومدان همن سونرا ثبت ائدیلیر و هر اوشاق بیر آدینین اولماسی، تابعیت و والدین حمایه‌سی کیمی حاقلارا صاحبدیر".