تبریز بلدیهسی اؤنونده اعتراض ائیلمی
بیر قروپ وطنداش تبریز بلدیه بیناسی اؤنونده توپلاناراق یئتکیلیلرین استعفاسی و سوروملولارین جزالاندیریلماسینی ایستهدی
1639766
تبریزده بیر قروپ وطنداش بلدیه مرکز بیناسی اؤنونده توپلاناراق یؤنتیمی استعفایا چاغیردی.
سوسیال مئدیا شبکهلرینده یاییلان و تبریزده گرچکلشدیریلدیگی بیلدیریلن، کؤچه ایتلرینین وحشیجه اؤلدورولمهسی گؤرونتولری، اینترنت استفادهچیلری آراسیندا بؤیوک تپکیلره سبب اولموشدو.
بونون اوزرینه بوگون (جمعه ارتهسی) بیر قروپ حیوان حاقلاری ساوونوجوسو تبریز بلدیه بیناسی اؤنونده توپلاناراق یئتکیلیلرین استعفاسی و سوروملولارین جزالاندیریلماسینی ایستهدی.