"بایدن، آمریکانی ارمنی لابی‌لرینه گیروو بوراخمیش‌دیر"
قورتولموش، جو بایدنین ۱۹۱۵ حادثه‌لرینی "سوی‌قیریم" اولاراق تانیملاما‌سینین، قاراباغ‌دا موباریزه سیراسین‌دا وئریله‌ن قارشی چیخیشلارین بیر داوامی اولدوغونا دقت چکدی
عدالت و قالخینما پارتیسی (آک پارتی) باشقان وکیلی نومان قورتولموش، آمریکا باشقانی جو بایدنین ۱۹۱۵ حادثه‌لرینی "سوی‌قیریم" اولاراق تانیملاماسینا باغلی،
"سایین بایدن آمریکانی ارمنی لابی‌لرینه گیروو بوراخمیش‌دیر" دئدی.
قورتولموش، مرحوم آذربایجان جمهورباشقانی حیدر علییئوین دوغومونون ۹۸.جی ایلی خاطره‌سینه تشکیل ائدیله‌ن آک پارتی و یئنی آذربایجان پارتیسی (یاپ) طرفیندن اورتاق شکیلده تشکیل ائدیله‌ن آنلاین کنفرانس‌دا دانیشدی.
آمریکا باشقانی جو بایدنین ۱۹۱۵ حادثه‌لرینی "سوی‌قیریم" اولاراق تانیملاما‌سینین، قاراباغ‌دا موباریزه سیراسین‌دا وئریله‌ن قارشی چیخیشلارین بیر داوامی اولدوغونا دقت چکه‌ن قورتولموش،
"(بایدن) نه دئیرئسه دئسین، اونلار هانسی دیلی قوللانسا قوللانسین، اونلارین سؤیلدیکلری سؤزلرین تاریخی دییشدیرمه‌سی، تاریخی گئرچکلری ترس دوز ائتمه‌سی مومکون دئییل. بیز آچیق بیر شکیلده ایفاده ائدیریک سایین بایدنین بو سؤزلری اساس‌سیز، گرچکده سیاسی مقصدلرله سؤیله‌نمیش و ارمنی لابی‌لرینین کؤنولونو خوش توتماق اوچون دیله گتیردیگی سؤزلردیر. داها آچیقجاسینی سؤیله‌ییم سایین بایدن، آمریکانی ارمنی لابی‌لرینه گیروو بوراخمیش‌دیر" دئدی.
