قیرقیزیستان-تاجیکستان سرحدینده گرگینلیک

قیرقیزیستان-تاجیکیستان سرحدین‌ده اولان سو پایلاما شبکه‌سینی کنترل ائتمه سببیله چیخان سلاحلی چاتیشمادا هر ایکی طرف‌دن ان آز ۱۳ نفر حیاتینی ایتیردی، ۱۶۵ نفر یارالاندی.

چاتیشمالار چرشنبه گونو، سرحدده‌کی بیر سو قایناغینا گؤزه‌تیم کامئراسی یئرلشدیریلمه‌سین‌دن سونرا باشلامیشدی.

طرفلر آتیش‌کس و عسگرلرین گئری چکیلمه‌سی اوزرینه آنلاشسا دا چاتیشمالار داوام ائتدی.

قیرقیزیستان حیاتینی ایتیره‌نلرین ساییسینی آچیقلارکن، تاجیکیستان طرفینه دایر بیلگیلر بیلینمزلیگینی قورویور.

اؤته یان‌دان، قیرقیزیستان جمهورباشقانی سادیر جاپاروو، سوسیال مئدیادان وئردیگی آچیقلامادا،

"قیرقیزیستانین بوتون ساکینلرینی، هر شئی‌دن اؤنجه سیاسی گوجلری و مئدیانی ساکین اولماغا، تخریباتلارا بویون ایمه‌مه‌یه، دوشمه‌ن‌لیگی و آنلاشیلمازلیغی آرتیرماماغا چاغیریرام" دئدی.

آیریجا، بؤلگه‌ده‌کی ۸۰۰ نفره یاخین قیرقیز وطنداشینین گوونلی بؤلگه‌یه چیخاریلدیغی اؤیرنیلدی.