تورکیه ایله آذربایجان آراسیندا ایمضالانان داها بیر سازیش تصدیقلندی
جمهور باشقانی رجب طیب اردوغان تورکیه ایله آذربایجان آراسیندا ایمضالانان داها بیر سازیشی تصدیقلهییب.
جمهور باشقانی رجب طیب اردوغان تورکیه ایله آذربایجان آراسیندا ایمضالانان داها بیر سازیشی تصدیقلهییب.
بونونلا باغلی قرار "رسمی قزئته"ده درج اولونوب.
قرارا اساساً، "تورکیه جمهوریتی حکومتی ایله آذربایجان جمهوریتی حکومتی آراسیندا انرژی و معدنچیلیک ساحهلرینده امکداشلیق حاقیندا سازیش" قوهیه مینیب.
قئید ائدک کی، 2020-جی ایلین فوریه نین 25-ده باکی-دا آذربایجان-تورکیه یوکسک سویهلی استراتژی امکداشلیق شوراسینین 8-جی ایجلاسی کئچیریلیب. ایجلاس باشا چاتدیقدان سونرا پرزیدنت ایلهام علی یئوین و جمهور باشقانی رجب طیب اردوغانین ایشتیراکی ایله آذربایجان-تورکیه سندلرینین ایمضالانماسی مراسیمی اولوب.
"آذربایجان جمهوریتی حکومتی ایله تورکیه جمهوریتی حکومتی آراسیندا انرژی و معدنچیلیک ساحهلرینده امکداشلیق حاقیندا سازیشی آذربایجانین انرژی ناظیری پرویز شاهبازوو و تورکیه-نین انرژی و طبیعی ثروتلر ناظیری فاتح دؤنمز ایمضالاییبلار.
بونا گؤره، هر ایکی اؤلکه ده برپا اولونان و تمیز انرژی و انرژی ثمرهلیلیگی ساحهسینده امکداشلیغی آرتیرماق و بو ساحهده لاییحهلری دستکلهمک و اینکیشاف ائتدیرمک اوچون صلاحیتلی قوروملارینی و یاتیریم لارینی بیرلیکده ایشلمهیه تشویق ائدهجکدیر.
بئلهلیکله، طرفلر امکداشلیق قورماق اوچون بیر ایشچی قروپونون یارادیلماسینا دستک وئرهجکلر.
طرفلر هیدروکربن و نفت- کیمیا قایناق لارینین ایشلنمهسی و ایستیفادهسی ایله باغلی لاییحهلرده تکنیکی امکداشلیق، تورپاق علمی و سو انباری مهندیسلیگی، کشفیات، نقلیات، هیدروکربن تیجارتی، پایلانماسی و تیجارتی ایله باغلی لاییحهلرده طرفداشدیرلار و نفت-کیمیا و ایشلنمیش نفت محصوللارینین اوره تیمی و تیجارتی ایشلرینی حیاتا کئچیرهجکدیر.
دیگر طرفدن، طبیعی گاز انبارلارینین، اؤتورولمه آلت یاپی سینین و علاقهدار تکنولوژی لرین تیکینتیسی، برپاسی، اینکیشافی، ایشلتمه سی و مایع لشدیریلمیش طبیعی گاز ترمیناللارینین و علاقهدار تکنولوژی لرین اینشاسی، برپاسی، اینکیشافی و ایشلتمه سی، یدک حیسهلرینین اوره تیمی و ایشلتمه سی، نفت-کیمیا پروسه لری و خام ماللارین ایکی اؤلکه آراسیندا داها تأثیرلی ایستیفاده یوللارینین آختاریشی اوچون امکداشلیق آرتیریلاجاقدیر.
الکتریک انرژیسی ساحهسینده ایکی اؤلکه اؤتورمه سیستمی اوپراتورلارینین تشکیلاتی یاپی سینین اینکیشافی، الکتریک اؤتورولمهسی شبکهلرینین تیکینتیسی، ایشلتمه سی و الکتریک تیجارتی و الکتریک انرژیسی بازاری دوزنلنمه سی ساحهسینده بیلیک و تجروبه پایلاشیمی ائدهجک.
بوندان علاوه، ایکی اؤلکه آراسینداکی قارشیلیقلی متخصص رایلرینه اویغون اولاراق معدن قایناق لارینین کشفیاتی و ژئولوژی تدقیقاتلار اوچون امکداشلیق ایمکانلاری قیمتلندیریلرکن، معدنچیلیک اوزره تعلیم پروقراملاری تشکیل ائدیلهجک و معدنچیلیک ساحهسینده تکنولوژی لر ان یوکسک تهلوکهسیزلیک سویهسینه اویغون اولاراق اینکیشاف ائتدیریلهجک.
طرفلر اؤزل و دؤولت اقتصادی تشکیلاتلارینا انرژی و معدنچیلیک ساحهسینده فعالیت گؤسترن مشترک موسسهلر و شیرکتلر یاراتماق اوچون دستک وئرهجکلر.
هم دؤولت، هم ده اؤزل شیرکتلر واسیطهسی ایله هر ایکی اؤلکهده و یا اوچونجو اؤلکهلرده انرژی و معدن صنایع سینه یاتیریم لاری تشویق ائتمک اوچون بیرلیکده ایشلهیه بیلهجکدیر.
راضیلاشما هر ایکی اؤلکهنین داخیلی حقوقی پروسه دورلارینین تاماملاندیغی و 5 ایل داوام ائدجگی بارهده دیپلوماتیک کاناللارلا سون یازیلی بیلدیریشین آلیندیغی تاریخدن قوهیه مینهجکدیر.
اؤلکهلر 5 ایل سونوندا موقاویلهنی لغو ائتمک نیتلرینی بیلدیرمهسهلر، موقاویله سونراکی 5 ایل عرضینده قوهده اولاجاقدیر.