بوتون تورکمن سیاسی پارتیلر سئچیملره تک لیست ایله قاتیلاجاق

عراق‌داکی بوتون تورکمن پارتیلری، اؤلکه‌ده اکتبر آیین‌دا ائدیلمه‌سی پلانلانان ارکه‌ن سئچیمه "عراق تورکمنلر جبهه‌سی کوالیسیونو" آدی آلتیندا تک لیست حالین‌دا گیره‌جک.

عراق تورکمن جبهه‌سی باشقانی حسن توران، کرکوک‌ده تشکیل ائتدیگی مطبوعات توپلانتیسین‌دا، ۱۰ اکتبردا ائدیله‌جک سئچیملرده تورکمنلرین ایزله‌یه‌جگی یول خریطه‌سینه باغلی بیلگی وئردی.

توران، عراق‌داکی بوتون تورکمن سیاسی پارتیلرین گله‌جک سئچیملره "عراق تورکمنلر جبهه‌سی کوالیسیونو" آدی آلتین‌دا تک لیست ایله قاتیلاجاغینی سؤیله‌دی.

سیاسی پروقرامین یاخین زامان‌دا اعلان ائدیله‌جگینی سؤیله‌ین توران، اؤلکه‌نین هر یئرین‌ده تک لیست حالین‌دا سئچیملره قاتیلمانین تورکمنلره باشاری گتیره‌جگینی ایفاده ائتدی.

لیستین باشین‌دا عراق تورکمن جبهه‌سی باشقانی تورانین اولاجاغی قید ائدیلدی.

آچیقلانان لیستده عراق تورکمن جبهه‌سی، تورکمن میللیت‌چی حرکتی، تورکمن عدالت پارتیسی، تورکمن‌ائلی پارتیسی، تورکمن قرار پارتیسی، تورکمن ایراده پارتیسی، تورکمن حاق پارتیسی، تورکمن وفا حرکتی و تورکمن ایسلامی بیرلیگی یئر آلدی.